خططي لعيد الفطر 1434 هـ

السلام عليكم 

بداية الله يبارك لنا و لكم في رمضان و يجعلنا من صوامه و قوامه 

فكرة التدوينه اليوم اني اتكلم عن اشياء راح اسويها في هالشهر المبارك استعداداً للعيد !

هي نقاط انا احتاج اشتغلها على نفسي شخصياً 

يعني ما راح اقول عن خططي الي تتعلق بالطاعات و العبادات .. هالامور بيني و بين ربي .. الله يكتب لنا الاخلاص في العمل 

~ امين 

طبعا في اشياء ممكن تعيق هالخطط مثل العزايم و الامور هذه .. لكن على كل حال الواحد يستعد و ما يضيع الفرص = )

1

نظام رياضي 

بالشهر الي فات سويت نظام رياضي و الي راح اتكلم عنه قريب .. لكن كمان هالشهر ما ابيه يمر كذا .. صحيح ما اقدر اسوي رياضة بالنهار لكن بالليل ان شاء الله ما راح يكون في مانع .. 

حتى اللحظة مو متاكدة شنو النظام لكن للي تبي تشارك معي هذه قنوات على اليويتوب متخصصه بالرياضة :

BeFit

القناة هذه بالذات فيها من العجب العجاب .. كل ما هب و دب 

blogilates

BlogilatesTV

القناة ( الاولى ) هذه متخصصة ب البلايتيس .. و صاحبها ( الثانية ) تسوي فيديوز عن اكل صحي و اشياء مثل كذا 

TONE IT UP!

كارينا و كاتيرنا .. احس ما في احد إلا و يعرفهم .. شخصيا ما قد جربت اي من تمارينهم 

Sarah Fit TV

اغلب الفيدوهات تتكلم عن تمرين بحد ذاته مقارنه بنظام رياضي .. تتكلم عن النظام الغذائي 

انا متاكده ان في غيرهم بس ذولي الي انا مشتركة فيهم و اعرفهم 

اذا تحسين في شي ممكن يفيدني يا ليت تعلميني = ) 

2

تطويل شعري 

راح استخدم زيت اسمه " زيت الدكتور 1 " .. من الدكتور عبد الباسط السيد 

استخدمته قبل هالمره و فعلا طول لي شعري .. لكن بنفس الوقت طاح شعري :/ 

هذه المره بتاكد اذا السبب في المشكله هو و الا شي ثاني .. لان احيانا العوامل النفسية تاثر على الشعر :( 

3

تبيض اسناني 

بحكم اني مدمنه بلاك كوفي (قهوه سوداء) اسناني مو بيض ، شي يحزن بصراحة .. صعب تحطين اي روج و الا انفضحتِ بلون اسنانك 

الي راح اسويه :

× اقلل شرب البلاك كوفي و الشاي الاخضر .. بحاول اخليه اما هذا او هذا ، اقصد يا كوب من الكوفي يا كوب من الشاي الاخضر 

× استخدم السواك .. سنه عن النبي علية السلام يعني اجر و تبيض = ))

× معجون اسنان من سنسوداين للتبيض مرتين في اليوم

4

قناع العسل للوجه

مين ما يبي تصفية و لمعان و بريق !!

بعدين كله ب ربع ساعه بس .. ي سلام و الله 

5

العناية بالقدم 

مافي احد كثري مهمل نفسه ><
بالذات رجولي .. احسها لو يحصل لها شكت علّي عند حقوق الانسان 

الي راح اسوية :

× كريم ( بالغالب فازلين ) قبل النوم
 × بوديكر مره بالاسبوع



بس !
وش رايكم ؟! كثير و الا شوي
عن نفسي ما ودي اكثّر خطط .. اخرتها الشهر يجي مره وحده و لا ابي افوته

ان شاء الله يجي العيد و جسمي مشدود اكثر
شعري اطول
بشرتي اصفى
و اسناني انصع = )
و رجولي احسن : P


تدوينات من نفس القسم 

عناية + مكياج 

مفضلاتي للنصف الاول من 2013
______
مشترايتي من بوتس
_____
مفضلات مامتي ♥
____
خططي لعيد الفطر 1434 هـ
____
مشترياتي + انطباعي عن بعض المنتجات
_____
نتيجة تخطيطي لعيد الفطر 1434 هـ
_____
مشترياتي ..
_____
مفضلاتي للنصف الثاني من السنة 2013
____
مشترياتي : مكياج ، عناية ، ديكور
____
مفضلاتي للنصف الاول من 2014
_____
مفضلاتي : منتجات حبيتها في 2015

و انتوا صبايا .. شنو خططكم ؟! 

~ توافيق