مفضلاتي للنصف الثاني من السنة 2013

سلامٌ على من اتبع الهدى 

نيتي من هالتدوينة :
اني اشارككم جزء من الاشياء الي حبيتها 
و اني افيدكم 

تدوينة اليوم عن مفضلاتي 
على بداية تدويني سويت وحده هنا رابطها 

بسم الله نبدأ

منتجات عنآية :

واقي من الشمس من بايودريما 

كثير استخدمت واقيات لكن للاسف اغلبهم سببوا لي حبوب بالوجة 
و انا كل شي والا وجهي الجميل :$
اغلب الاحيان اورثهم لامي او لاخواتي .. توريث الاشياء عندنا عادة بالبيت * فيس لابس نظارات شمسية *
^ ههههههههههههه 
المهم .. ذا الواقي من بايودريما ما سبب لي هالمشكلة العويصة 
زيادة على كذا نسبة الوقاية فيه 100 ..
فيه سلبيات مو كامل بصراحة بس بما انه م يسبب حبوب و يحمي وجهي من الاشعة اتحملها 

واقي الشمس ( الغير مرئي ) من بايوديرما bioderma

غسوسل للوجة منعش من نفيا 

اول ما شريته كنت خايفة انه ما ينظف لي بشرتي زين 
لانه للبشرة العادية إلى المختطلة 
لكن كان اكثر من ممتاز .. 
من ناحية الانعاش ما فيه شي من هالكلام 
منظف عادي .. يسوي شغلة و بس 
حركات الانتعاش و ماني عارفة ايش مو تخصصة 
للاسف و ك عادة نفيا - مو اول تسوي فيني هالحركة - اخر مرة رحت الصيدلية ادوره ما لقيته 
يجوز بطلوه :( 
و عاد هات ي رحلة بحث .. 

جهاز الليزر 

جهاز لوميا بيرسيجن بلس
Lumea Precision Plus 
 .. جهاز ليزر 
صار لي فترة استخدمه لنفسي و لامي .. 
ناوية اتكلم عنه بالتفصيل الممل بتدوينة لاحقة 
مقدما اذا عندك اسئلة تبين تعرفين اجوبتها ادخلِ الرابط هذا 
https://www.surveymonkey.com/s/GQNSZMP
و ان شاء الله اذا كتبت التدوينة اجاوب عليها 
كمان في كم سؤال يساعدوني افهم احتياجاتكم 

جهاز الليزر المنزلي lumea precision plus

غسول بالمشمش و كريمة غنية من لوكس 

مو اول مره استخدم منتج من لوكس 
دائما من عندهم .. لكن هذا ريحة شي يجنن 

صبغة 

دائما اصبغ بالبيت .. يمكن بس اول مره بحياتي صبغت بالمشغل و كنت مسوية خلصتين مدري 3 
تركيبة الصبغة هذي شي يخقق .. حتى لو انتِ مبتدئة ما تتعبك 
و اللي يميزها كمان انو الكمية الي فيها اكثر من باقي علب الصبغة الي جربتها 
من ناحية اللون ثباته مو مره .. يمكن لاني اخترت لون غامق و ما استخدمتك منتجات خاصة بالشعر المصبوغ :$
لكن اذا تفكرين تصبغين بالبيت المنتج هذا بططططل 

الصبغ باستخدام excellence mousse من l'oreal + نصائح عامة

زيت التصفيف من ماكديميا 

صار لي من شريته و انا استخدمه مره جميل 
و ريحته كمان جميلة 
مو  منتج سحري بس بالنسبة لشعري هو الشي الوحيد الي نفع له حتى الان 
قرب يخلص و انا في محاولة اني ادور منتج بديل مع اني م اظن راح القى 

مكياج 

مسكرا

حاليا هذي المسكرا الوحيده الي استخدمها للدوام 
مع ان فرشاتها حبتين تغلبني بس قدرت اتعامل معها 
حاليا بدت تنشف :( بس مدري حابتها اكثر لما نشفت 

روج نود 

اسم الشركة Belite 
مع انه يشبة القلوس في شكلة و تركيبته لكن بعد ثواني من حطتك له على شفتك ينشف و يصير مطفي 
شرته لي مامتي من مندوبة مبيعات .. ما عندي اي فكرة وين ينباع او وين موجود 
حتى دورت اسم الشركة على النت و لقيت لهم منتج واحد بس -_- و مهو هذا كمان 

رقمه #93 

و هنا له مسحه على ايدي الكريمه :$

عيبة الوحيد بالنسبة لي انه لما تاكلين او تشربين يروح :( 
و على اساس انه ثابت 
و لما اقول يروح اقصد يروح تماما مو يعني يخف لا يروح !
ف عشان هالمشكله تنحل صرت لما استخدمه استخدم قبله روج من ماكس فاكتر فيه واقي 
و يصير لما اشرب او شي يخف لونه مو يروح 

كم مره كتبت يروح :/

كحل سائل من بودي شوب 

هذا وحده من البنات عرفتني عليه جزاها الله خير 
سواده حلو و ثباته حلو و ازاله مو صعبه 
كمان راس الفرشاة مضبوط مو مره نحيف و لا مره سميك على كيف كيفك 

وين بودي شوب بس عني و انا اسوي لهم دعاية * فيس بنظارات شميسة *

موضة :

فلات 

اول ما شريته كنت متردده حيل البسة لاسباب كثير 
و منها ان كل احد صار يلبس شي فيه ستدز :/ 
الحين مو الكل صاير يلبسة ف صار عاد وقتي البسه هع 
حيوحشني بالشتاء :( 

نظارات شمسية من CARRERA

بطلتي هذه 

شريتها قبل فترة 
و انا بالمحل اقول لاخوي ما ابي شي فيه اطار و بالذات اطار ابيض 
بس لما شفتها صوت داخلي قال خوذيها و لما جلست اجرب كل الي اخترتهم حبيت ذي اكثر شي 
توصى فينا صاحب المحل .. ي حليلة 
و حط لي منديلين 
واحد اسود و واحد رمادي 

متفرقات 

احم احم 
ايش رايكم بس :$
انا دايما بالبيت البس شي مثل كذا * مدري وش يسمونه * 
و بالعادة ما يمر شهرين و الا من تحت متشقق و يطلب الرحمة 
عاد هذا شكله بيطول معي 
وظيفته انك تلبسينه + تنظفين الارضيه * تكرمون * بنفس الوقت 

متوفر ب ساكو و في منه الوان


علبة ماء

على عكس  علب الموية الي في السوق العلبة هذه قابله للاستخدام المتكرر 
و انا وحده لازم 24 * 7 الموية بجنبي 
حتى لو كنت رايحة زياره .. مويتي لازم معي 
و بما اني عذبت امي و انا استخدم علب الموية .. شرت لي هذا 
عساها على القوة و الله 
بصراحة ما اشربها من فمها .. اتقرف .. افتح الغطاء و اشرب منها 

متوفر بساكو 


و بس

~ توافيق 


اذا في شيء اهملته تفضلِ بالسؤال هنا 

عناية + مكياج 

مفضلاتي للنصف الاول من 2013
______
مشترايتي من بوتس
_____
مفضلات مامتي ♥
____
خططي لعيد الفطر 1434 هـ
____
مشترياتي + انطباعي عن بعض المنتجات
_____
نتيجة تخطيطي لعيد الفطر 1434 هـ
_____
مشترياتي ..
_____
مفضلاتي للنصف الثاني من السنة 2013
____
مشترياتي : مكياج ، عناية ، ديكور
____
مفضلاتي للنصف الاول من 2014
_____

مفضلاتي : منتجات حبيتها في 2015

تويتر هنا
انستقرام هنا