مشترياتي + انطباعي عن بعض المنتجات

السلام عليكم 

بالفترة الي طافت رحت اتسوق و خلصت كل ثروة امي بالسوق *_*

و طبعا ذا مو كل الي شريته  = )

تعرفون اشياء العيد للعيد ^_^
ملابس العيد راح احطها بالانسقرام .. و تراني جديده هناك :$ 

من صيدلية الدواء

veet easygrip ready-to-use wax strips

اول مره اشتريه بس قبل هالمره اخذت " عينه" من عند مامتي ، ابد ما عجبني. فكرة اني استخدم نفس الشريحة اكثر من مره ابدا ما حبيتها و للمعلومية انا ما عندي فوبيا الجراثيم او شي مثل كذا ابداً بس مدري الوضع ما عجبني. عالعموم قلت لنفسي اعطيه فرصة ثانيه = )

بعد التجربة انطباعي عنه :
جربته مرتين :

جربته على منطقة الابط .. طبعا بما ان حجمه مو مخصص له قصيته ، شال كم شعره بس ! حاولت اكثر من مره بس ما في فايدة ما شال شي :/ .. ترك اثار حمرا على جلدي .. مسحت ب "منديل النعومة المثالية " بقايا الشمع .. و شغلها تمام التمام
من بكره لما جيت اتروش الاثار الحمرا لسى موجوده !!! و ذا اليوم من حظي كنت ابي اجرب الليمون على المنطقة ، من العجلة تجاهلت الاحمرار و حطيت الليمون .. المنطقة ولعت حرارة و نار .. غسلتها ، حطيت ثلج + بعدين كريم فاسودين
طبعا الي كنت خايفة منه صار المنطقة سمرت :"( ، الجلد ملمسه + لونه + شكله كانه محروق !
ما يسوى علي :((( مرة منقهره .. حسبي الله و نعم الوكيل ، لولا الحياء كانت صورته لكم ..
|~ الحين بقعد احوس و ادور لي شي يفتح اللون ×_×

بعد كذا جربت على رجلي .. عشان اكون ادق بالحكم .. شال لي الشعر السميك اما الشعر الخفيف ابدا و لا حتى كاني اسوي شي !

المناديل 4 حبات بس ! المفروض انه على الاقل على عدد الشرائح الشمعية ، يعني حتى لو انتِ شايله بجلسة وحده يتهيا لي انها ما راح تكفي

بالنسبة لي انا شريته لمنطقة الابط .. رجولي اقدر اشيليهم بالموس و انا جدا مرتاحه عليه ، لكن بما اني احاول اتبع سنة المصطفى محمد في " نتف الابط " قلت اجرب لي شي ينفع .. ابدا ما راح اشتريه مره ثانيه ، و بالغالب العلبه الي عندي راح اعطيها احد من العيلة

Strepsils 

الحمد الله مو مريضه او شي ، بس لازم يكون عندي احتياط. اجهز العصابة قبل الفلقه :$
احبالي الصوتيه بسرعة تتعب حتى اذا كان في إفنت مجرد ما يخلص انا صوتي مختفي :(
و على طول بعدها لازم اخذ ستربسيلز

ما يحتاج اكتب انطباعي عنه : هو احسن شي للحلق المجهد

FARMASI FACIAL CLEANSER TONIC

صار لي فترة ادور على اسكنول و لا القاه و لا ادري وش صار فيه *_* ، عاد سالت الصيدلي عنه قال لي عن هذا. حتى الان ما جربته بس ريحته تشبه منظف الصحون *_* ، لا تعليق !

clean and clear blackhead clearing daily scrub

كنت ادور على منظف من نفيا بس ما لقيته ، استغفر الله كل الاشياء الزينه تختفي من السوق :/
المهم قلت اشتري ذا ،  بداية مراهقتي استخدمت منتجات كلين ان كلير و ناسبتني وقتها.
سعره ب 31.50 ريال

الانطباع :

قوامه اسمك مما توقعت لكن مو لدرجة انو صعب توزيعه على الوجه ، ريحته خفيفه حيل .. يتهيأ لي انها تشبه ريحه البطيخ و الصيف :$ .. مو قوي على البشرة لكن مقارنه بمنظف نفيا الي كنت ادور عليه يحتاج بعده مرطب .. بما اني جربته مره بس فما لاحظت شي من ناحية الرؤوس السودا

excellence mousse l'oreal

شريت لي علبتين من ذي الصبغه ( نفس الدرجه) . اول مره اجربه , هو اصلا مكتوب عليه جديد
تركيبتة رغوية مثل ما انتوا شايفين
شريت لون اسود كرزي .. صار لي فتره افكر بالاسود و افكر بالاحمر عاد ذا جامع الاثنين.
إن شاء الله راح اصبغ على العيد  = )

compress pro hot water bottle

حقوق الصورة تعود لصاحبها

بصراحة كنت متردده اكتبها لكم او لا :$
كنت دايم افكر اشتري الكمادة .. بس قريت عنها كلام طبي انها تسبب اضرار ، ف شلتها من بالي .. و قبل فترة انا و مامتي نسولف و قالت لي انهم كانوا يستخدمونها قبل ولا منها اي اضرار صحية
- سعتها لترين
- مصنوعة من المطاط الطبيعي
- لها سطحين واحد منهم مثل الي في الصورة متعرج و الثاني املس الى حد ما و اسمك ( اثخن )
- يتعبا ثلثينها 2/3 بس بالماء و الباقي يترك فاضي
الانطباع

عيبها ما تقدرين تستخدمين ماء مغلي + العلبة ما تحتفظ بالحراره لوقت طويل .. يعني ما يمديك تروقين ساعة الا و هي بردت - اعتمادا على درجة حرارة الغرفة -
اذا استخدمتيها على الجانب المتعرج ممكن تاثر على الجلد ، و تسبب لك حروق لا سمح الله

من نزية 

http://www.nazih.com/index.php

Revlon perfect style ion + ceramic brush

صار لي فترة اتعلم على الاستشوار الكبير ( حق المشاغل اقصد ) و عندي فرشاتين بس كلهم خشب ، هذي معدنها سيراميك و عندي امل انها ما راح تتاثر بالحراره العالية

بعد التجربة انطباعي عنها :

تبين انها ما تنفع لنوع شعري ، يبي لها شعر خفيف الى طبيعي
fine to normal hair
و انا شعري ابعد ما يكون عن الطبيعي - مثلي الله يحفظني -
حبتين متحسفة و منقهره بس ذي غلطة الي يشتري و لا يقرا :@
سعره بـ 30 ريال 

شرائح تنظيف بشرة الانف 

مامتي تستخدمهم و تمدح فيهم قلت اشري لي ، جربتهم مره وحده بس ..
طريقه الاستخدام :
 تتاكدي ان البشرة خالية من الكريمات او ما يشابهها , تبللي المنطقة بالماء ، تحطين الشريحة على المنطقة و هي مبللة ، تترك 10 - 15 دقيقة ثم تنزع ببطء

انطباعي :

اول ما حطيتها حسيت بشي مثل الحرارة بدرجة مقبوله و مع الوقت خفت ، بعد ما شلته لاحظت البشرة شوي متغيره .. صارت انعم ، من ناحية الروؤس السوداء انا ك بداية ما عندي كثير لكن بالشريحة لاحظت في نقط سوداء لكن ما شالت كل الروؤس السوداء عندي ..
قبل سنوات اذكر جربت نوع ثاني .. ابدا ما عجبني هذاك وسع لي المسام و بس :/ ، ان شاء الله ذا ما يسوي نفس الشيء
حتى هذه اللحظة ما زلت اشوف ان احسن طريقة لازالة الرؤوس السوداء اصابعي ، بنفسي !

المفروض ان بعد استخدام اقنعة مثل كذا تستخدمين تونر او ماده قابضة للمسام .. و للاسف بكل انواع الاقنعة الي مثل كذا ما يحطون ذا التوجيه :/
سعره ب 11 ريال و فيه 6 شرائح 

البخاخ المعالج من ماكديميا ناتشرول اويل

قلت لراعي المحل ابي شي استخدمه بعد الشاور و عطاني ذا ، امي و اختي و اخوي جربوه و يمدحون فيه. يفك تشابك الشعر و يسهل مشطه. و حسب الموقع هو يغذي ، حماية من اشعة ال يو في ، و يزيل تطاير الشعر.
سعره بـ 155 ريال
الانطباع 

عمليه المشط صارت اسهل و الشعر مو متشابك ..

من نيو لوك 

http://www.newlook.com/

Blue and White Stripe Split Side Belted Maxi Dress

مو من عادتي اخذ شي مقلم بالعرض لكن لو لاحظتوا التقليم عريض بمنظقة الصدر و تحت عند الركب تقريبا و باقي التقليم رفيع .. يعني بالمناطق العريضة راح يعطيني عرض و بالمناطق الرفيعه راح يطلعني انحف !
و بصراحه ما قدرت اقاوم جمال الفستان ،
 عن نفسي ما راح استخدم الحزام ، سبحان الله ما احب الاحزمة = )
 سعره ب 125 ريال

من سوكس كولكشن 

http://sockscollection.com/

 matt opaque tights with gusset

شريت من عندهم اثنين من الـ تايتس/هيلاهوب شو ما كان تسمونه :P
سعر الواحد منهم ب 28 ريال
و طبعا كلهم بنفس اللون و المقاس -_-
مدري وين عقلي يوم اشتري ><


تدوينات من نفس القسم 

عناية + مكياج 

مفضلاتي للنصف الاول من 2013
______
مشترايتي من بوتس
_____
مفضلات مامتي ♥
____
خططي لعيد الفطر 1434 هـ
____
مشترياتي + انطباعي عن بعض المنتجات
_____
نتيجة تخطيطي لعيد الفطر 1434 هـ
_____
مشترياتي ..
_____
مفضلاتي للنصف الثاني من السنة 2013
____
مشترياتي : مكياج ، عناية ، ديكور
____
مفضلاتي للنصف الاول من 2014
_____
مفضلاتي : منتجات حبيتها في 2015