هذه التدوينة سبق نشرها في سبويلي هنا
قناع الذهب المنزلي لتوحيد لون البشرة
ي صباح الجمال
كنت متحمسه انشر تدوينة
اللي جزء من سلسلة تقدرون تطلعون عليها هنا :
_____
_____
______
_____
____
________
______
عشان ابدا اشارككم بهالقناع.
بالنسبة لي شخصيا احب اقنعتي المنزلية تكون عملية ، سريعة ، و اكيد لها نتائج فعّاله !
مكونات قناع الذهب المنزلي لتوحيد لون البشرة
مكونين بس :
عسل
كركم
فوائد قناع الذهب المنزلي لتوحيد لون البشرة :
العسل ، انا من محبين العسل ك قناع مرطب و معالج ، يملك خواص ترطيبية للبشرة ، بالاضافة لتوحيد اللون
الكركم ، معروف من القدم انه من اشهر و اقدم العلاجات الجمالية ، يملك خواص مضادة للالتهاب ، موحد للون البشرة
تحديدا هالخليط/القناع هذا راح يساعد بتوحيد لون بشرتك ، خصوصا التصبغات من اثار الحبوب.
تحضير قناع الذهب المنزلي لتوحيد لون البشرة
مثل ما سبق قلت هم مكونين بس : عسل و كركم
كلهم متوفرين بالسوبرماركت ، منت محتاجة تجيبين نوع محدد
كمية الكركم مقارنة بالعسل هي عُشر ، بمعنى لو حطيتي عشر ملاعق صغيره من العسل تحطين ملعقة وحده بس من الكركم
اللون بتلاحظينه يقلب على ذهبي
*اذا استخدمتي عسل لونه غامق اللون الذهبي ما راح يبين*
اذا كثرتي الكمية ، ما راح يصير شي سيء ، بس الكركم بيترك اثر على بشرتك ، بتقلب على مصفرة او زيتونية
و هالشي راح يضطرك تغسلين بشرتك اكثر من مره حتى يروح تاثير اللون و هالشي ابدا ما ابيكم تسونه لان كذا قاعده تخربين بشرتك بدل ما تفيدينها
اي تقدرين تعملينه بالليل و تغسلينه بعد ما تنتهي المدة ، و الصبح بتلاقين اللون اختفى
تقدرين تعملين كمية كبيرة لشهر/ين و تحتفظين فيها بالثلاجة ، او كل يوم بيومه تخلطين المكونات
وضع قناع الذهب المنزلي لتوحيد لون البشرة
القناع يوضع على بشرتك نظيفة ، اما باستخدام فرشاة على كامل الوجة و الرقبة
او باستخدام اصابعك ( تاكدي انها نظيفة )
و يتم تجنب المنطقة حول العين
بامكانك وضعه على شفايفك ، يفتح لونهم شي بسيط
و يترك على البشرة لمدة 15 دقيقة ، اكثر من كذا ما راح يفرق بالنتائج
يستخدم القناع اما يوم بعد يوم ( يوم ايه و يوم لا ) او بشكل يومي … خلال شهر واحد تظهر النتائج
امور مهمة بخصوص قناع الذهب المنزلي لتوحيد لون البشرة
اثناء استخدامه تاكدي انك تلبسين لبس ما عندك مشكلة لو توصخ … الكركم صبغي ، راح يعدم لك اللبس
القناع ما يحل مشكلة عميقة مثل البهق ، الهلات السوداء
اذا التصبغ صار له فترة طويلة ، محتاج العلاج ياخذ وقت
لنتائج افضل تاكدي انك تستخدمين نظام عناية كامل لحل هالنوع من المشاكل ( ما ابي اتعمق بهالموضوع ، اقصد كيفية التعامل مع اي مشكلة جمالية من كل النواحي 360 درجة، اذا يهمكم اطرحه بتدوينة منفصله خبروني ♥ )
.
.
اتركي لي تعليق ♥
ممكن تكملين شرح بالنسبه للنظام الكامل زي ماذكرتي👆 انا ماقد جربت لك شي بس ان شاء الله واثقه فيك ،ممكن طلب ابي شي يفتح المناطق الحساسه والابط الظهر والبطن بين الافخاد والمؤخرة لاهنتي 😶 وشكرا عزيزتي حنين
ردحذفحياك الله
ردحذفهالتدوينتين راح تفيدك من ناحية نظام كامل
إستعدي للعيد من رأسكِ حتى اخمص قدميكِ
https://around-fog.blogspot.com/2015/06/blog-post_22.html
تعاون : روتين العناية السريع في رمضان
https://around-fog.blogspot.com/2017/05/blog-post_19.html
^ اذا لسبب ما اشتغلت معك الروابط تقدرين تلاقين التدوينات بسهولة في تبويب الارشيف
.
.
اما من ناحية تفتيح المناطق هذه ف حتى الان ما لقيت شي اثق فيه 100% و يناسب الكل ، في امور اسبابها تختلف من شخص ل شخص احدها التصبغات. في امور جربتها شخصيا الكل يمدحها و اعطتني نتيجة عكسية .. لذلك في هذا الامور اخذ وقتي في التجربة و التاكد. في دكتور تكلم عن التصبغات و اقترح مجموعة كريمات للتفيتح اسمه في الانستا-حاطه المعلومات فيه بس ابحثي في الصور القديمة - @dr_jeldeya
اقري كل التفاصيل اللي كتبها عن الموضوع و اقري كذا مره. بالنسبة لي اعطاني نتيجية عكسية لان اللي يناسب بشرتي هو الترطيب ثم الترطيب.
شكرا لثقتك و شكرا لدعمك ()*
يومك مبارك ()*