انطباعي : آلة الطباعة DESKJET 2050A من اتش بي

سلامٌ على من اتبع الهُدى

بالفترة هذه كل البلوقرز تكلموا عن الاستعداد للجامعه من نواحي كثيره 

بالتدوينة هذه راح اتكلم عن جانب اشوفه شخصيا مهم لاي جامعي او جامعية 

بالجامعه تكثر البحوث و الواجبات و المشاريع .. و طبعا اما انه يتسلم هارد كوبي ( نسخة ورق ) او سوفت كوبي ( ملف الكتروني او ما شابه ) .. و بالغالب الدكاتره يفضلون الاثنين.

و بما ان مصاريف الجامعه ما شاء الله قومه و قعده .. قررت اني اشتري طابعه لي في البيت ، بدل ما اعتمد على طابعات الجامعه.

يكفي هرج و خلونا نبدا :

الجهاز يؤدي 3 وظائف : طباعه ، نسخ ، مسح ( سكان )

الطباعه : طباعه ( سوفت كوبي ) من الكمبيوتر للحصول على ( هارد كوبي )

النسخ : نسخ ورقة اكثر من مره ..

المسح : نقل الـ ( هارد كوبي ) الى الكمبيوتر ك ( سوفت كوبي )

^ شرحت المعنى لاني احس الناس  تلخبط بين معنى طباعه و نسخ :$

الجهاز مرفق بالتالي :

- سي دي تعريف للجهاز , يدعم الانظمه التالية :

 Windows XP SP2 , Windows Vista , Windows 7 , Mac OS X v10.5 or v10.6

- تعليمات التثبيت السريع

- كتيّب المواصفات 

^ انسب تسمية له برأي ( ما له اسم -_- )

- خرطوش طباعة اسود 122 و ملون 122 :

- محول الطاقة + كابل التوصيل + كابل USB :

الجهاز يستخدم فولت 127 و 220 

نوعين لخراطيش الطباعه :

STANDARD 

122 اسود : " لطباعه 120 صفحة "

122 ملون : " لطباعه 100 صفحة "

VALUE

 XL 122  اسود : " لطباعه 480 صفحة "

122 XL ملون : " لطباعه 330 صفحة "

طبعاً يقع عليك الاختيار بينهم. بعد استهلاك الخرطوش امامك خيارين اما شراء جديد او تعبئة ، اغلب المكتبات توفر خيار التعبئة.

لوحة التحكم :

1) الطاقة : زر التشغيل 

2) زر إلغاء الامر : إيقاف العملية الحالية

3) زر بدء النسخ بالاسود 

4) زر بدء النسخ بالالوان 

5) مصباح التنبية : انحشار الورق او نفاذه ، في حالة ايماض مصباح التنبية و مصباحي الخرطوشتين عند إعداد الطابعه ، فقد تكون عربة الخرطوشه معاقه. افتح الباب و تاكد من إزالة الورق المقوى و الشريط الازرق من داخل الطابعه.

6) مصباح الخرطوشه : يشير إلى انخفاض الحبر او حدوث مشكلة في الخرطوش.

انطباعي :

الجزء المفضل عندي في الموضوع كله :$

الجهاز صار له سنه كامله عندي ..

المميزات :

- خفيفة و سهله الحمل و النقل .. 

- توفر خاصيتي الطباعه و المسح 
للمسح :

يوفر لك خيارات كثير .. من الجانب الايسر  من صورة لملف ، من صوره لايميل ، من مستند إلى ملف 

خياري دائما الاول 

تتغير الخيارات في الجانب الايمن اعتمادا على اختيارك في الجانب الايسر. من ضمن الخيارات ( من فوق لتحت ) :

بعد اختيار scan تطلع هالشاشة :

في حالة انك تبين تضفين صفحات للصفحة الحاليه ما عليك الا انك تضغطين الزر الي عليه اشاره + 

ما عجبك المسح ؟! بسيطه اختاري زر × 

حطتيها بالمقلوب ؟! عادي اول خيار يسمح لك تلفينها و توصلين للشكل الي تبينه 

- إمكانيه استخدام الفولت المناسب 100 او 200 

العيوب :

هنا بيصير حبتين كلام دش :$ 

1 ) التخزين يكون بالشكل الافقي فقط :

بداية في حالة انك احتفظ فيها بشكل عامودي في الصندوق بدل افقي - وضع الطباعه - و قررت بعد فترة تستخدمها ما راح تشتغل معك صح. راح تطبع لك لكن الكلام راح يكون مشطوف/مقطوع ! 
او تطبع لك سطر و تحذف الثاني :/ 

الصفحة هذه صارت لي للمشكله 4 لكن بما انها توصل الفكره استخدمتها 

الحل ؟!

تتحتفظ فيها بشكل افقي ما لا يقل عن 12 ساعه و من ثم تستخدمها. تستمرين تحتفظين فيها بشكل افقي.

2) صعوبة النسخ :

لو تذكرون لوحة التحكم في ازرار للنسخ بالاسود و بالالوان لكن ما فيه شي يخصص العدد ! ، يعني لو تبين نسخين عندك حالة انك تضغطين على الزر مرتين و بالتالي يطبع لك 10 اوراق .. او كل شوي تضغطين ورقة ورقة ورقة ورقة ..

مره فشل اهمالهم لذا الشي :/

يخلص عمرك و لا خلصتي نسخ ..

3) كمية الحبر في الخرطوش + سعر الخرطوش :

 سواء في اللون الاسود او الملون اعتبره قليل و بالكاد يغطي الكمية الي ذكرتها سابقاً !

( حديثي عن STANDARD )

النوع الثاني ما جربته لكن ما استعبد يكون نفس الشيء من ناحية الكمية

 في حالة طباعة صور ( طبعا يحتاج دقة + كثافة باللون ) اعتمادا على الالوان ، الخرطوش بالكاد يغطي 20 صوره = 20 ورقة A4!

و حتى في حالة اني قررت اني اقلل الدقة و الكثافة ف لن يغطي 100 صفحة !!!

في حالة طباعة " ملف معلم " يعني جدول و كلام بس، بالوان ، بالكاد يغطي 60 ورقة !

فشلني مع امي -_-

بالنسبة لشغلي الخاص ( بحوث واجبات .. إلخ ) و الي عادة يكون باللون الاسود .. اعتبره ممشي وضعي و ساترني :/ هع 

سعر الخرطوش مو قليل ابداً .. يعني في حالة عندك شغل كثير و طباعة بتدفعين مصروفك عليه 

4) احيانا وجود مشكله بخرطوش الطباعه اثناء تعبية الخرطوش:

فالحالة حصير معك واحد من شغلتين ، 

اما ان الطابعه راح تعتبر الخرطوش فاضي مع انه مليان ، و اكيد انت دافعه قيمته و كل شي :") يعني فلوسك راحت فشوش .. بح .. باي باي 

منغبنه ما عليه تحملوني ..

او ان الطابعه راح تطبع لك و تحسبين كل شي سليم إلين تتقاجئين ان الكلام مقصوص ! احيانا يكون مقصوص الجزء العلوي من السطر بس يعني لو ما دققتِ حيل ما راح يبين 0_0 !

ذاك اليوم كنت ناوية اقدم البحث لدكتوري و لولا الله ثم اني انتبهت كان اكلتها صح .. 

تحتاجين محل ثقة يعبي لك الخرطوش .. المحل الي سويته فيه اول مره سوينا و كان الوضع تمام و المره الثانيه صارت لي كل هالمشاكل .. مدري هو متعمد و الا بالغلط بس حسبي الله و نعم الوكيل 1

القصيده الي مكتوبه هنا هي قصيدتي المفضلة باللغة الانجلش ..  :$

5) وقت الطباعة :

طبيعياً لما تستخدمين خرطوش جديد الجهاز يسوي الاينمنت alignment يعني يطلع لك هذا :

و ابدا ما عندي مشكله معه 

المشكله اني في مره احط خرطوش جديد يسالني هل اسوي الاينمنت ؟! و يقعد على هالحالة 3 - 4 مرات في كل مره اوصل الطابعه بالكمبيوتر .. احيانا تكونين توك مخلصة من البحث او الواجب و بس تبين تطبعين و تروحين تسوين شي ثاني .. يجي ذا النشبة و ينشب لك زيادة -_-

في حالة انك مو مركزه او مو فاهمه .. راح يطبع لك هالصفحة و الصفحات الي طلبتِ طباعتهم .. نرجع للمشكلة 3 اصلا الحبر مو من كثره تروح تطبع لي هالخرابيط :@

6) سرعة الطباعه عند فولت 110 :

في حالة طباعة 20 ورقة فما فوق ، جداً بطيئ  + ياخذ نفس ( ي حليله ) يوقف شوي بعدين يستأنف الطباعة 

ما جربت سرعته على 200 لان تعرفون هذا للمكيف حبيب القلب و شخصيا دائما افضل استخدم 100 لاجهزتي إلا في حالة انو مطلوب 200 !


احس اني ناسية شي :(
ان شاء الله ما اكون نسيت شي :$


تويتر هنا
انستقرام هنا 


تدوينات من نفس القسم :

عشوائيات 

انطباعي : آلة الطباعة DESKJET 2050A من اتش بي
_____
و عسى هالعيد ما يحمل لقلوبكم غير افراحه ♥
_____
#عادة_ديسمبر : التخيّل
______
كيف تعلمت اللغة الانجليزية + نصائح
________
الحياة الجامعية
_____
التصميم الداخلي : minimalist الحد الادنى
_____
كيف تستفيد من معرض الرياض الدولي للكتاب





اي سؤال استفسار شي انا موجوده ..

~ توافيق