سلامٌ على من اتبع الهُدى
 |
ستروبنق
الاسم اول ما سمعت ذكرني بستروبري شورت كيك
ما احبها عاد
لسبب ما كلما تذكرت الاسم ربطته بحليب الفراولة الي ريحته ... الله يعز النعمة بس
المهم صايمة و فيني نوم
ندخل بالموضوع احسن
بسم الله نبدا :
بالمناسبة بامكانك الحصول على جديد التدوينات بالضغط على زر "انضام لهذا الموقع "
ايش هو الستروبنق ؟
بعيداًعن اللف و الدوران
الستروبنق هو تقنية يعتمد فيها استخدام الهايلايتر و الوجة النضر ( الدوي )
هالتقنية ايضا تسمى Anti-contour
يعني المعاكسة للكنتور او عكس الكنتور او ضد الكنتور
ليه ؟؟
لان فيها نعتمد على الهايلاتير
على عكس الكنتورنق الي نعتمد فيها الكنتور و الهايلايتر
اذا صار لك فترة بعالم المكياج و تطبيقين فالموضوع سهل عليك
لكن الجدد بهالمجال ، اوعدكم الموضوع اسهل مما تتوقعون
اذا ما فهمتوا الكنتورنق ، هذا بتفهمونه
الستروبنق صار له سنين يتطبق بس ما كان له اسم محدد مثل الحين
و لا كان توجة من توجهات الموضة
ف محد اعطاه وجهه و لا حكى عنه
الفرق بين الستروبنق و الكنتورنق :
هذي يوتيوبر ، اسمها Nikkie .. للي ما يعرفها يعني
الي ما تعرف نكي خسرانه كثير
قناتها على اليوتيوب هنا
الصورة الي على اليمين هي مسويه فيها كنتورنق و برونز لباقي الوجه كمان
و الصورة الي على اليسار الي هي مسويه فيها ستروبنق
بالرغم من اني اشوفها جميلة بكل الصورتين
لكن بالكنتورنق اعطاها تحديد اكثر لملامحها ، و بفض البرونز صغر احجام بغض الاماكن مثل الجبهه
على عكس الستوربنق الي نفخ الاماكن الي حطت هايلايتر عليه
هذي فرح ، هندية الاصل
قناتها على اليوتيوب هنا
الصورة على اليمين مسويه كنتورنق و كمان برونز
و الصورة الي على اليسار مسويه فيها الستروبنق
ادري ابعاد الصورة و الزاوية مختلفة ف صعب الحكم حبتين
بالستوربنق طالعة كانها ي دوب حاطه ميك اب
على قولتهم مكياج الللا مكياج make up no make
هذي تينا
توني اشترفت فيها و انا ازين التدوينة ، ما اعرفها من قبل
عالعموم هنا رابط قناتها على اليويتوب
الصورة الي على اليمين كنتورنق
و الصورة على اليسار ستروبنق
مره ثانية على الستروبنق تحسين انها مو حاطه شيء
تحسين كان بشرتها مدهنه و طالعه لك
يمكن عشانها شرق اسيويه معطيه هالايحاء
~~***~~
حرصت اني اجيب من مخلتف الاعراق و درجات البشرة
حتى توصلكم فكرة صح
حطوا في بالكم ان الستروبنق يبرز
يكبر
يجذب الانتباه
يعني
المنطقة الي فيها حبوب او اثار حفر من الحبوب
راح تبين و تبرز اكثر
حتى لو قررت تطبيقين
ابعدي عن هالمنطقة
اذا خدودك ما شاء الله كبار مثلي
من الاخر اقولك ابعدي عن هالتقنية
شوفي نكي مره ثانية
صح طالع عليها حلو
بس نفخ خدودها بزيادة
و نفخ وجهها بزيادة
~~***~~
كيف تطبقينة ؟
الخطوة الاولى :
الاستعداد
الاستعداد ثلاث خطوات
الاولى تقشير
و ما تعتمدينها كل يوم لان بشرتك بتثور عليك
تعتمدينها مرتين بالاسبوع
الثانية ترطيب بشرتك بكرم
من المرطبات الي انصح فيها هو سيتافيل
لكن حطوا في بالكم بعض انواع الاساس ممكن تعطي نتيجة سيئة اذا كثرتي منه
ف يبدا يتقطع بشكل غريب ، صارت لي مره مع اساس استي لودير
و كان السبب الوحيد اني كثرت ان بشرتي جفت بشكل مو طبيعي مع جو الرياض
بس اذا حطتي معه كمية مناسبة ( يعني مو بكرم ) ما يسبب اي مشاكل
و بعضها مجرد انك تحطين منه يخلي مده ثبات الاساس تقل
بالاخير هي مسالة تجربة و شطاره و ملاحظة
الثالثة : البرايمر
اعتبره اختياري
و شخصيا اكتفي بالمرطب عنه
لكن بعض انواع البرايمر ممكن تفيد حالات فردية
مثل الي عندها مشكلة باتساع المسامات بالبشرة تستخدم برايمير بروفشنال
الخطوة الثانية : كريم الاساس
تمدين كريم الاساس بالطريقة الي تعجبك ، سواء باصابعك
سواء بفرشاة
سواء باسفنجة
بهالخطوة احرصي على انك تستخدمين كريم اساس يعطي منظر نضر ، منظر دوي ، منظر مشرق
مو منظر ناشف و مطفي
الخطوة الثالثة : ستروبنق !
هنا يجي الشغل
تحطين الهايلايتر بهالاماكن
اقصد الاماكن الي عليها اسهم
اسماء الهايلايترز كثيرة بالسوق
و لان شغلتهم يتفخون فماني مره من المعجبين فيهم
عشان كل شوي اطيح اشتري لي واحد و اجرب
باختيار الهايلايترز ( او الايلومنتيرز ) ، مهم تفهمين ان الغالبية تكون
اما باللون الذهبي و درجاته ... و هذا الاكثر انتشارا
او اللون الفضي و درجاته
الخطوة الرابعه : حمرة خدود ( بلشر )
لمسة بسيطة من حمرة الخدود على تفاحتي الخد
الافضل يكون من درجات الوردي
كلما كان شكله طبيعي كان افضل
الخطوة الخامسة : مثبت مكياج
برايي لهالعملية بالذات ، الافضل هو فكس بلس من ماك
~~***~~
تطبيق عملي
هنا فيديو نكي
~~***~~
ملاحظات
- ارجع اشدد على نقطة ان الهايلايترز يبرزون ، يكبرون ، يوضحون اكثر ... ف منطقة ما تبينها تبين لسبب او لاخر لا تحطين عليها هايلايتر .. سواء كانت اثار حبوب او غيرة
- اتوقع - كالعادة باي شي نضر - اصحاب البشرة الدهنية ما راح يدانون هالطريقة ، لانها بتلخيهم يبرقون و يلمعون
- لما تقررين تطبيقين الستروبنق ما فيه برونزر ، ما فيه كنتور
- بالرغم من ان اكثر الطلات الي حطتها تعتمد على مكياج عيون و شفاة ناعم و خفيف ، لكن تقدرين تثقلين اذا حابه
تركيز التقنية مو على النعومة ، تركيزها على الهايلايترز
- من امثلة الهايلايترز :
من بنفت :
هاي بيم
سن بيم
فاين ون-ون
وتس اب هايلايتر
قيرل ميت بيرل
من ماك :
سوفت اند جنتل
قلود ديبوزت
قلوبل قلو
من ذا بالم :
ماري لو
من ماكس فاكتور :
كولور كوركتر - هايلايتر
^ ذي اغلب المحلات الي متوفرة عندنا باسواقنا السعودية
الثلاثة الي فوق كلهم يتعبرون من الهاي اند ( اسعارهم مرتفعه )
و الاخير من الدرق ستور ( اسعارهم مقبوله * ينقالهم * )
+
ولا واحد فيهم جربته
- في خبراء مكياج يعكسون الخطوة الثانية و الثالثة مثل وين قوس
و طريقة العكس مو اول مره يسويها حتى بالكنتورينق كان هو الوحيد الي يعكس
عموما شغلة ما يشوبه شائبة
شعور اني ناسية شي ما كتبته
بس عاد خلاص متى يمدي انام و اصحى للفطور
مكياج
انطباعي : ( سبلينديد قلم الحواجب القابل للسحب + سنتيليتنغ باودر وشمع الحواجب ) من مكياجي
______
رسمة الوينقد اي لاينر(winged eyeliner) للجفن المبطن (hooded eyes)
_____
انطباع || Bourjois Paris Happy Light foundation + Happy Light Primer Serum
_____
انطباع || اساسي المفضل : استي دبل وير Estée Lauder double wear foundation
______
انطباع || ممسحة المكياج makeup eraser
_____
الموضة الجديدة في عالم الميكاج : ستْرُوبنق Strobing ، ايش هو ؟ وَ كيف تطبقينه ؟
_____
العلاقة بين لون الشعر و لون الحواجب
___________
#أفضل_كريم_اساس للمناسبات : ميك اب فور ايفر اتش دي
_____________
#أفضل_كريم_اساس للمناسبات : استي لودير دبل وير
_____
كولور ستاي من ريفلون: افضل الاساسات اليومية
______
فت مي من ميبلين : افضل الاساسات اليومية
____
فكس بلس + FIX من ماك
____
اساس dream liquid mousse من ميبلين
______
COLOUR CORRECTOR STICK: THE BALANCER – LIGHT
____
طرق توزيع كريم الاساس
______
the POREfessional برايمر للتقليل من مظهر المسامات من بنفت
~ توافيق
تعتمد على بشره خاليه من العيوب 😘 عجبتني لوك فريش حسيته
ردحذفصح ، يبي له وحده تهتم ببشرتها بالدرجة الاولى
حذفشكرا لدعمك ()*
حلو بس مايناسب أي احد , يبيله بشرات مُنتقاه.
ردحذفعموماً لو أنتي ملاحظه الاسيويين من زمان يستخدمون نفس هالتقنيه يعني مُمكن يحطون سطل ميكاب بس كأنهم ماحطوا شيء تطلع بشراتهم صحيه ومُشعه كذا.
مازلت أفضل الكنتورنق ولو أني ملاحظه الستروبنق مُناسبه أكثر لوجهي وبشرتي من الكنتورنق.
شكراً عالمجهود حبيبتقلبي:(.
اي للاسف ما يناسب اي احد
حذفالاسيويين يستخدمون اللمعة على كل الوجة مو بس في امكان الهايلات ، يتحمسون بزيادة :$
العفو
شكرا على دعمك ()*
أزال المؤلف هذا التعليق.
ردحذفالستروبنق فهمته بس شو هو الكنتورنق لكي استطيع اقارن بينهما و شكرا يا احلى حنين
ردحذفبالكنتورنق نضيف لون غامق باماكن الظلال ، لو راجعتي الصور تلقين فيه لون اغمق على البشرة ، يوحي لك ان في ظل ( مو ظل عيون ) في المنطقة ...
حذفكان الشخص وجهه منحوت بهالطريقة
العفو
شكرا لدعمك امل ()*
روعة ، مرره عجبني
ردحذفانعكاسك توتي ()*
حذف