انطباع | منتجات كريست للتبيض

سلامٌ على من اتبع الهُدى 

بتدوينة اليوم راح احكي عن انطباعي و تجربتي ل 3 منتجات للتبيض من كريست

بسم الله نبدا :

يهمني تعرفون هالامور عني قبل ما تكملون تقرون انطاعي عن المنتج 

نتيجة التبيض الي ابحث عنها هي مو البياض الزينون مثل ما تسميه امي .. و الي لاحظته بالمسلسلات الكويتيه 

ما راح اسمي ممثلات بس الي يتابعون اكيد عرفوا ;)

و بالمناسبة انا شرّابة شاي اخضر درجة اولى 

بالراحة اشرب باليوم 3 اكواب 

بالفترة الي استخدمت فيها هالمنتجات كنت مدمنة قهوة سوداء .. طبعا بعدين وقفت شرب القهوة و صرت اشربها مره بالشهر بالكثير ، وقت ما افتقدها .. بس اشربها و بحكم ان مغنيني عنها الشاي الاخضر نسبه افتقداي لها قاعده تقل 

بالنسبة للقهوة العربي فانا اشربها نادرا نادرا نادرا 

بالمناسبات فقط .. و ما اكثر حتى 

ما عندي شي ضدها بس سبحان الله كرهتها مع اني قبل كنت اشرب دله لحالي 

^ انتهت قصة حياتي الحين نبدا بالمنتجات 

3D white whitestrips 2 hour express

تجربتي :

العلبة تحوي لك ان ما بالداخل شي كثير و يسوي بينما هو فيه حبيتين بس

  يعني 2 strips :))

يعني لاستخدام مرتين بس .. 

المنتج هذا خلصته .. << كله حبتين اكيد بتخلصينه 

المره الاولى الي استخدمته فيه حطيته على اسناني 30 - 40 دقيقة .. من باب ان اسناني اول مره تتعرض للتبيض و لا ادري ايش راح تكون ردة الفعل .. و خصوصا ان الكثير يقول ان هالامور تسبب حساسية الاسنان 

كوني ارغب ببياض اسناني ف انا ايضا ارغب بان تكون اسناني خالية من الالم ... و إلا ؟!

والا اجلس التوى من الالم و اسناني بيض .. ما يسوى علي 

اصلا من الالم حتى ابتسام ما راح ابتسم 

نرجع للموضوع ... لما حطيته على اسناني جزء منه جاء على لثتي فحسيت بشعور اقرب ما اسمية ب انزعاج/الم في لثتي .. لكن ما طول الشعور .. بعد فترة وقف الشعور 

المنتج نفسه ما يغطي كل اسنانك .. اسنان الفك العلوي راح يتغطى منها تقريبا بس الجزء الي تبين فيه ابتسامتك و نفس الشي بالنسبه للاسنان في الفك السلفي 

زيادة على كذا السن نفسه ما يتغطى كله ، بس يتغطى منه الجزء الامامي ، الجزء الخلفي من السن ما له اي اعتبار 

خلال الفترة الي كنت حاطته فيه كنت احس بشعور انزعاج ، على اعصابي كنت ، كنت افكر لو هالمواد الي فيه دخلت بجهازي الهضمي .. <<< درااااما 

بعد هالفترة شلت المنتج و والاااااه 

تقريبا بيّض اسناني 3 درجات ... بالرغم من كنت على امل اني احصل على 5 درجات تبيض لكني رضيت بحكم اني حطيته بس هالوقت 

المره الثانية طولت بالفترة و حطيته تقريبا ساعة و نص 

وقتها كنت طالعة السوق ف انشغلت عنه بالتسوق ... هالمره ما حسيت بالانزعاج بلثتي اتوقع لثتي تاقلمت على الوضع 

بحكم الوقت الي حطته فيه توقعت ان راح القى نتيجة واااو ...

خاب ظني 

المنتج بالرغم من الوقت ما اعطاني اكثر من 3 درجات تفتيح 

اتوقع ذا حد المنتج .. اقصد انه يفتح بس 3 درجات 

من ناحية الحساسية .. مالت اسناني للحساسية لكن مو شي درامي بحيث اني اوقف تماما عن استخدامها 

مخيب للامال .. لا م راح اشتريه مره ثانية علما انو اصلا اوريدي عندي علبه ثانية منه ، كنت مفكره اني قاعده استثمر فيه :( 

سعره : 300

3D white whitestrips intensive professional effects

تجربتي :

هالمنتج فيه 7 حبات استخدمت منهم وحده بس 

المره الاولى الي استخدمت المنتج كانت بعد ما استخدم المنتج السابق مرتين 

اعتبرت حالي خلاص محترفه في هالموضوع و ما يحتاج اقلق على اسناني 

ف قلت يله ندقها لين ساعتين كاملات 

و بالمناسبة هالمنتج و المنتج السابق مُعد لاستخدامه لساعتين ! 

مرت اول 40 دقيقة بسلام و سلاسة .. بعدها بدات تجيني نوبات الم في اسناني ، حسيت العصب من الداخل بذبحني من الالم .. تجاهلته .. حاولت اخفف على نفسي الالم باني بديت اضغط بلساني على السن الي فيه الالم .. هالطريقة كانت تخفف من الالم ، تروح النوبة 5 دقايق و يرجع مره ثانية .. جاهدت نفسي حتى وصلت ساعة و ربع او ساعة و ثلث .. بعدها قلت ما بها !

اشيلة يعني اشيله .. و فعلا شلته 

و فرشت اسناني

على كل كمية هالالم توقعت على الاقل تبيض 5-7 درجات 

ما اقبل باقل من كذا 

التبيض كان بحدود 3 درجات بس .. جدا مخيب للامال 

و حتى النتيجة ما استمرت لفترة محترمه اسبوع/اسبوعين بالكثير :/ 

حساسية اسناني صارت بمعدل 8 .. ما كنت اقدر اكل و لا اشرب البارد بدون ما اتالم 

احيانا حتى كذا و انا جالسة و مسكره اسناني - يعني لحد يقول لي تيار هوا بارد -  احس بالالم باسناني ، و بحكم اني ما احب استخدم الادوية كنت اضغط بلساني على السن حتى يخف الالم 

اخذ مني الموضوع ما يقارب 3 شهور اذا مو اكثر على بال ما اسناني رجعت لقوتها السابقة بدون حساسية 

سعره : 331 ريال سعودي 

معجون الاسنان 

الصورة من النت

مثل ما هو مبين الصورة من النت 

بس خلصت رميته على طول 

بالنسبة لي لما استخدمته ما كنت ابي ابيض ، كنت ابي احافظ على نتيجة الي طلعت منها ب المبيضات السابقة .. لا اكثر و لا اقل 

و اتوقع ذا حقي .. >> قاعده تعاتب مين ذي 

كان مطلوب مني استخدمه مرتين باليوم ل " نتيجة افضل "

المنتج دفعه فلوس على الفاضي .. 

طز بجد ! 

خلال اسبوع واحد رجعت فيه لشرب القهوة السوداء .. رجع لون اسناني مثل ما كان 

بعدها بفتره بيضت للمره الثانية .. و وقتها حرمت نفسي من البلاك كوفي ، خلال اسبوعين رجع لون اسناني مثل ما كان 

وقتها كنت اشرب شاي اخضر .. و انا مستحيل احرم نفسي من الشاي 

يعني اذا المسالة اني امتنع عن الشاي و القهوة عشان احافظ على اللون .. معناته انا مو محتاجة اشتري معجون مبيض ! 

او بالاصح محافظ على البياض ! 

كرمال الفلوس الي اندفعت فيه ما رميته بالزبالة ، لانه بصراحة كان مضيعه فلوس 

عاد تعلموا من هالنكبة :)) 

او خلوني اقول النكبات 

~~~***~~~

المنتجات كلهم متوفرين بصيدلية بوتس 

المنتجات قد تعتبر منقذه لك اذا ما تقدرين تروحين لطبيب يبض اسنانك او تلاقفين طريقة افضل للتبيض 

او وقتك مزحوم و ما تقدرين إلا لهالامور 

بس بنفس الوقت حطي في بالك ان التفتيح مو كبير 

يعني اذا اسنانك صفر صفر صفر مررره .. راح يخففهم الصفار بس 

يعني ما راح يتحولون بيض :( 

اذا كنت تبين البياض الزينون .. لازم طبيب :)) 

بالمناسبة صار لي 15 يوم بدون شاي او قهوة من اي نوع كانوا .. و اقدر اقولكم ان اسناني ابيّض لونهم بمقدار درجة الى درجتين 

العناية بالاسنان 

معجون اسنان AloeDent المبيض
____

انطباع | منتجات كريست للتبيض

______
#عادة_نوفمبر : السحب بالزيت/ المضمضة بالزيت Oil Pulling لصحة افضل

~ توافيق