مدونة حنين للجمال ♥ AroundFab: Yoga 10 Days Challange تحدي يوقا لعشرة ايام

سلامٌ على من اتبع الهُدى

مصدقين ان اخر مره كتبت فيها هنا بنوفمبر !

والا عاد كتابتي عن الرياضة كان السنة الي فاتت :$

اعترف هالسنة ما مارست الرياضة بشكل كافي

المهم .. انا هنا الحين و اكتب :))

بسم الله نبدا :

تمام كالعادة .. المهم بالنسبة لي البطن

الكرشة الكرشة الكرشة ( يا رب تموت )

و بما ان كان من خططي اني امارس اليوقا تحديدا من بين كل الرياضات طحت على هالاعلان

بالنسبة لي يهمني جدا ان المدرب يكون له قبول عندي

ما يهمني قد ايش شاطر ، اذا مو متقبلته ف من اول دقيقة راح اسكر البرنامج و ما راح افتحه مره ثانية

هالمدربة إيرن موتس @erinmotz

وحده من القلائل الي عجبوني من ناحية اليوقا .. الباقي يعني .. ما بلعتهم

مثل ما العنوان مبين النظام لمدة 10 ايام متواصلين

و هذه الفيدويات

اليوم الاول

اليوم الثاني

اليوم الثالث :

اليوم الرابع

اليوم الخامس :

اليوم السادس

اليوم السابع

اليوم الثامن

اليوم التاسع :

اليوم العاشر :

تجربتي :

شكل البطن مهم جدا ، يعني حتى لو وزنك زايد دام ما عندك كرشة شكلك يصير مقبول .. تضل الفتنة فيك بغض النظر عن المقاس الي تلبسينة

صحيح طريقة الوقفة و الجلسة لها دور ببروز الكرش .. لكن هذا مو موضوعنا اطلاقا

ك بداية ما كنت متوقعه تغير جذري و ان مثلا يصير بطني لازق بظهري .. او ان بطني يتحول الى عضلات .. ابدا

بتلاحظون ان الوقت في المجمل ما يتجاوز 15 دقيقة .. يعني تقريبا و لا شي

قلت لنفسي دام ذا هو الوقت ف اكيد التمارين مكثفة و قوية .. اقل شي يعني

للاسف خابت ظنوني كلها :(

التحدي ما سوا ولا شي لبطني و لا حتى ملي واحد

اغلب الايام كنت احس بالم في عضلات الظهر و الاكتاف و الذراعين ..

عضلات البطن ما حسيت فيها لا قبل و لا بعد التمرين

التحدي كان بالنسبة لي لا باس به كوني حابه اتمرن تمارين يوقا .. لكن فيما عدا ذلك التحدي ما حقق الفائدة المرجوه منه

^ خير الكلام ما قل و دل !

~ توافيق