سلامٌ على من اتبع الهُدى
 |
حقيقة في البداية كنت مفكرة اعرب اسم التقنية بس لان الاسم العربي بيصير معقد زيادة عن اللزوم و بيصير يشتت اكثر قررت الاحتفاظ بالاسم مثل ما هو
تقنية لوك تقنية ما تناسب اي شعر
ك تنبيه من البداية يعني
بسم الله نبدا
بالمناسبة بامكانك الحصول على جديد التدوينات بالضغط على زر "انضام لهذا الموقع "
كنت اطبقها على فترات متفاوته .. على حسب المزاج و الوقت
و حتى كنت اطبق بدون استخدام كل المكونات الصحيحة ، كنت استخدم عنصرين من اصل ثلاثة
لكن ما بدات الاحظ التغير الحقيقي الا بعد ما الزمت فيها فترة و بعدين تركتها بيوم
و شفت من شعري العجب العجاب
حسيت جد قد ايش هالتقنية مغيره شعري
و بدات اهتم اكثر و قررت اني استخدم كل العناصر الثلاثة المهمة
بسبب هالتقنية علاقتي بشعري عشق عشق
ايش هي تقنية لوك L.O.C. METHOD ؟
لوك هي الاحرف الاولى ( بالانجليزي ) لثلاث عناصر رئيسية ...
هي طريقة تعتمد على وضع طبقات من الترطيب على الشعر
L - Leave-in Conditioner or Liquid
بصراحة له تسميات كثيرة بالعربي
فالافضل انك تقرين التسمية الاجنبية ( ليف-إن )
بعضهم يسمونة : كريم للتصفيف ( و هذه التسمية الي راح اعتمدها بهالتدوينة ) ، بديل الزيت
احيانا حتى الاسم يخدعك
الاكد و المهم انك تشوفين القوام
قوام كريم التصفيف مفروض انه يكون خفيف ، ما في سماكه
من تجربتي الشخصية
كريم تصفيف الشعر المجعد من ويلا
و بديل الزيت - علاج ملكي للشعر التالف من بانتين
مثاليين للاستخدام
او بامكانك استخدام الماء
و اعني بذلك انك تبللين شعرك بالماء
و برايي ان استخدام الماء بدل كريم التصفيف ما يعطي النتيجة المطلوبة
O - Oil
زيت تصفيف شعر
اشوف الاجنبيات يستخدمون زيت النارجيل .. اعرف ان الزيوت عندهم بدون ريحة مثل ما عندنا
بس كلش مو متقبله الفكرة
زيت الماكادميا من تجربتي مناسب جدا
C- Cream
كريم الشعر
الفرق بين كريم الشعر و كريم التصفيف ، ان كريم الشعر قوامه اثقل
للاسف الاسم لحاله ما يعتمد عليه
مهم انك تشوفين قوام المنتج ثقييييل
هالكريم من مجموعة ماكديما هو الوحيد الي ادى الغرض على اتم وجه
كيف استخدمها ؟
ادري تقرون و حاسين حالكم مو فاهمين شيطريقة استخدام التقنية سهله جدا
بعد ما تتحممين
تحطين على شعرك
كريم التصفيف
و بعده
زيت
و بعده
كريم الشعر
الترتيب ممكن تغيرين فيه ما في مشكلة ؛
ممكن تبداين بالزيت و تنتهين بكريم التصفيف
المهم انك تستخدمين 3 منتجات ذات قوام مختلف على شعرك
لمين ؟
هالتقنية مثل ما ذكرت ببداية التدوينة مو لاي شعر
اصحاب الشعر الدهني ... هالتقنية مو لكم !
اصلا بالغالب و انتم تقراون نفرتوا من الفكرة كلها
اصحاب الشعر الجاف هالتقنية لكم
و ايضا الاشخاص الي مسامية شعورهم عادية الى مرتفعه
مميزات هالتقنية :
- لمعان لشعرك ، بالنسبة لي هالشي اكثر ميزة خلتني استمر على هالتقنية ، لون شعري الطبيعي بحكم انه جاف لون باهت ، و هذا احد الاسباب الي خلتني استمر اصبغ لان اللون الاساسي مُقيت ، بس الحين انا مغرمه باللون
* بالمناسبة صار لي سنة و تقريبا 5 شهور من اخر صبغة صبغتها *
- مظهر شعر صحي
- تقلل نسبة الشعر المتطاير و نسبة الشعيرات الصغيرة .. في اشياء ما نقدر نتحكم فيها تماما مثل اخر جرثومة الي تبقى << تنكت :))
- الاستغناء عن استخدام ادوات التصفيف ، لان شعرك شكله بيكون مرتب اكثر و اكثر اناقة
- راحة لشعرك ، لانك راح تستغنين عن ادوات التصفيف
- يعطي مظهر للشعر الكيرلي جممممممميل .. و راح تشوفون هالشي بالتطبيق تحت
امور مهم مراعتها عند تطبيق هالتقنية
- المنتجات المذكورة هي تجربتي الشخصية ، و المنتجات الي حبيتها ... يمكن انت تستخدمين نفس المنتجات و لا تعطيك نفس النتجية الي حصلتها- اثناء وضع المنتجات مهم انك تحرصين انك تشملين جميع شعرك ، اذا جهة ما اعطيتيها حقها راح تلاحظين انها جافه و باهته لحالها
- المنتجات لا تقربينها من فروة راسك ، ابعدي مسافة عنها ... فروة الراس ما تستفيد منها بالعكس تضرر و يجيك قشرة بعدين تجين تلومين التقنية و الغلط اصلا منك <<< بدينا اتهامات
- التقنية مو سحرية .. إذا شعرك مجعد جدا لا تتوقعين ان شعرك يتحول الى شعر حرير ، التقنية هدفها تظهر جمال شعرك
- التقنية - على حد علمي - ما يستخدم بعدها اجهزة تصفيف ... يعني اذا بتستشورين اذا بتسرمكين ... إلخ ما تطبقين هالتقنية لانها بالغالب بتحرق لك شعرك
تطبيق
غالبية اليوتوبرز اما شعرها دهني و سايح مره او شعرها مجعد مرهاذكر بس شفت ثنتين شعورهم متموجة بس على شطانة ( مثل شعري ) ما تعترف بوجود الجاذبية الارضية
و بالرغم من ان اكثر رواد هالتقنية منهم هم الي شعورهم جدا مجعد
لكني ااكد لكم ان حتى الي شعرها متموج بتطلع عليها هالتقنية جميلة
العناية بالشعر
الصبغ باستخدام excellence mousse من l'oreal + نصائح عامة_____
تقنية لوك لتصفيف الشعر { الجاف و المتعب و الاجعد } L.O.C. METHOD
_____
تقليم الشعر ( المتقصف) مع المحافظه على طوله
____
التعامل مع القشرة ~
_____
_____
تجربتي مع بروتين الشعر في البيت
_____
خطوات عمل بروتين الشعر بالبيت : فيديو + بالتفصيل الممل
_____
كوني خبيرة تجميل شعرك : الخطوة الاولى : مسامية الشعر
___________
كوني خبيرة تجميل شعرك || الخطوة الثانية : سماكة الشعر
_________
تطويل الشعر في اسبوع – طريقة الانقلاب
_______
شامبو big من لش lush
______
chase method طريقة المتابعة لسرمكه الشعر
_______
بديل الزيت من بانتين – علاج ملكي للتلف
__________
بديل ارخص : قناع مكاديميا
______
ملف خاص : تساقط الشعر
______
ملف خاص : تقصف الشعر
______
ملف خاص || القشرة
_____
العناية بالشعر المصبوغ : 3 اعداء لصبغة شعرك
______
شطف الشعر بالعسل
_____
تقنية أنتوني موروكو لقص الشعر القمرية
_____
الشامبو الجاف من باتسيت_____
شامبو القشرة squanorm من DUCRAY
~ توافيق
تدوينة جميلة و مفيدة
ردحذفحبيت الطريقة و تشابه للطريقة اللي استخدمها الفرق اني استخدم سيروم خفيف يعتمد في مكوناته على الزيوت المغذية لأني ما أحب قوام الزيوت لوحدها على شعري .
الله يعطيك العافية تدويناتك دايم مفيدة ❤❤❤
يعافيك ربي سلوى
حذفشكرا لدعمك ()*
شكراً حنين من القلب وان شاء الله بجربها وبشوف النتيجة ❤❤❤
ردحذفالعفو
حذفان شاء الله تفيديك ()*
للاسف قريت ولا عرفت كيف تطلع نتيجته علي شعري
ردحذفبس ابرجع علي روقان واقرا علي راحتي واستوعبها صح
ولان النت ضعيف ابرجع اتفرج عليه
يسلمووو ياعسل 😍😍😍😍😍
للاسف قريت ولا عرفت كيف تطلع نتيجته علي شعري
ردحذفبس ابرجع علي روقان واقرا علي راحتي واستوعبها صح
ولان النت ضعيف ابرجع اتفرج عليه
يسلمووو ياعسل 😍😍😍😍😍