مفضلاتي للنصف الاول من 2013
الحق اننا تعدينا نص السنه بس مشوها
لي هالمره :$
بالنسبة لي مو كل شهر عندي شي جديد و
احبه .. مع اني اكره الروتين بس بالنسبه لي اذا شي يناسب بشرتي ليش اغيره !
لكن احيانا الا ما يطلع منتج جديد بين
فتره و فتره .. ف الخطة راح تكون اني كل 6 شهور اسوي تدوينه عن مفضلاتي = )
المكياج
(1)
هالشي احبه و مستحيل م استخدمه اذا ما
طلعت من البيت او جونا ضيوف ..
تكلمت عنه بالتفصيل هنا
العناية بالشعر
2
كلير – شامبو ضد القشرة ( هيربل فيوجن
HERBAL
FUSION )
الشامبو ذا شي فضيع م حصلش ابدا ..
بعد ما استخدمه احس ان في احد نفض لي فروة راسي و صارت انظف من النظافة نفسها :$ ..
ريحته جميلة ، تذكرني بحلاو بطفولتي ... احطه على شعري لمدة 2- 4 وقت ما افرك جسمي
.. شوي ينشف الشعر بس عادي
من ناحية ازاله القشرة ما فيه شي مميز يعني لو بيزيل القشرة 100 % يتهيا لي بيسكرون الشركه و يقعدون حافين *_*
و يس مكتوب للرجال و بعد ما اخلص
العلبة راح اقلب ولد @_@
3
ماكيديميا ناتشورل اويل – ديب ريبير
ماسك macadamia – Deep Repair Masque
و هل يخفى القمر .. اختي جربة و انا
جربته و امي جربته .. اقل شي ينقال عنه جنااااان .. شعرك يصير شي ثاني .. ريحته
جميله .. ينحط على الشعر 7 دقايق و بعدين ينغسل و استمتعي ب اجمل شعر .. سعره ب
180 ريال من نزية و يستحق كل ريال يندفع عليه !
الكريم ذا يستخدم مرتين بالاسبوع فقط
! اكثر من كذا راح يضر شعرك
علاجات
4
كريم سدو sudocrem
مكتوب على العلبة انه كريم مضاد
لالتهاب الحفاضات و الاكزيما و تقرحات الفراش
الحمد الله ما عندي و لا وحده من ذولي
.. بالنسبه لي استخدمه اذا طلعت لي حبه و ابي انشفها او اذا طلعت لي الحبوب الحمرا
... م اقول شي سحري و انه خلال يوم بتختفي .. بس بالنسبه لي شي مرضي خصوصا اني و
لله الحمد ما يطلع حبوب الا اذا ما اهتميت بنفسي او الجو سيء
كمان مره استخدمته من ضمن خلطه لحبوب
الظهر و الحمد الله نفع = )
ما اذكر كم سعره :$ و موجود بكل
الصيدليات
5
فاسودين fucidin
وقت ما تطلع لي حبه و اجرحها - دايم اسويها – احط من ذا الكريم .. الكريم
يعتبر مضاد حيوي ف راح يمنع البكتيريا من انها تدخل الجرح
ما اذكر كم سعره :$ و موجود بكل
الصيدليات
6
فولتارين voltaren
الكريم يخفف من الم العضلات و التورم
انا عندي الم في ارساغي اليمين و
اليسار و الكريم ذا مره ساعد على تخفيف الالم .. احيانا لما اسوي رياضه استخدمه
على العضلات التي توجعني .. صاحبتي الي نصحتني فيه كانت تستخدمه للالام الركب ..
امي مره جربته لرقبتها و خفف الالم لها
ما اذكر كم سعره :$ و موجود بكل
الصيدليات
7
زيت جوز الهند ( زيت النارجيل )
حاليا انا استخدمه لازاله مكياج العين
+ كريم للعين .. و احيانا مرطب لشفاة بالليل .. تكلمت عنه اكثر هنا
العطور
8
من اليمين : سنوسورد من
مكياجي
من اليسار : فليرت دريمز
من مكياجي
الي من جد يعرفوني يمكن يستغربون اني اصلا
جبت سيرة العطور .. بالعاده انا ما احب العطور >< شخصيا انا احب العطور الخفيفه ، يعني احط العطر
الحين بعد ساعتين بالكثر ما اشم له ريحه .. ذي عطوري المفضلة .. فكرة اني احط عطر
و بعد ست سبع ثمان ساعات اقدر اشمه ما استحملها .. احب ريحة النظافة جدا ، اما
العطور ابدا مو اختصاصي !
سنسورد ثاني عطر اخلصه على نفسي (
العلبه فاضيه حاليا ) .. و بالنسبه لي لما اقول اني خلصت عطر على نفسي له وزن
فليرت دريمز القى نفسي اتعطر منه بعد
ما اتروش كثير اوقات
جوني هديه ف ما اعرف اسعارهم
9
من اليمين : مزيل رائحة العرق
من نكتار ( CARESS )
بالنسبة لي ذا المزيل احسن شي جربته
بالعالم كله و دايم اشتريه و بالعاده ما اجازف اشتري غيره .. اغلب الانواع ما
تناسبني و لا تسوي لي شي .. اكثر شي يعجبني فيه اني اقدر احطه مرتين يعني بعد ما
يمر نص اليوم و ما عندي وقت اتروش او شي .. اقدر احطه مره ثانيه و الوضع تمام
التمام
و للمعلوميه ترا تركيبته تغيرت فاذا
جربتيه من قبل و ما نفعك يمكن ينفع الحين = )
ما اذكر كم سعره :$
من اليسار : بيزلين مزيل للرائحة ينقي
و ينير منظقة الابد خال من العطر * يناسب البشره الحساسة *
( Beesline WHITENING DEODORAN )
متوفر بالصيدليات و الي خلاني اشتريه
و حده بالبلوقر تكلمت عنه .. شوي غريب .. تركيبته سائله الى حد ما كانه حليب :/
اول مرة استخدمته قلت ما راح ينفع ابد @_@ و شوي و انقهر .. بعد ما تحطينه ينشف و
يصير الوضع تمام .. اعيب عليه ذي النقطة خصوصا اني دايم مستعجله و لا اتذكر احطه
اول شي
من ناحية التبيض صار لي اقل من شهر
استخدمه ف حتى الان ما لاحظت شي مميز = )
ما اذكر كم سعره :$
عناية + مكياج
مفضلاتي للنصف الاول من 2013
______
مشترايتي من بوتس
_____
مفضلات مامتي ♥
____
خططي لعيد الفطر 1434 هـ
____
مشترياتي + انطباعي عن بعض المنتجات
_____
نتيجة تخطيطي لعيد الفطر 1434 هـ
_____
مشترياتي ..
_____
مفضلاتي للنصف الثاني من السنة 2013
____
مشترياتي : مكياج ، عناية ، ديكور
____
مفضلاتي للنصف الاول من 2014
_____
مفضلاتي : منتجات حبيتها في 2015
ليست هناك تعليقات:
إرسال تعليق
شاركيني رايك ♥