الصبغ باستخدام excellence mousse من l'oreal + نصائح عامة

سلامٌ على من اتبع الهُدى

تلبية لطلب متابعة

اخيرا اقرر الكتابة عن هالموضوع
اعتذر لها جدا على التاخير

بالنسبة لي و لامي فحنا نفضل دائما شركة لوريال




صبغات شركة كولستون koleston :

تنشف الشعر و تحرقة و ثبات اللون مو مضبوط و خاصة للي صابغين عشان يخفون الشيب

تنشف الشعر ، هي من اقوى الصبغات

شركة باليت palette

جدا سيئة تزيد التساقط و تنشف الشعر و ثبات اللون مو قوي 

صبغات شركة قارنير  GARNIER :

خفيف على الشعر ، الوانها كثير .. بس الونها اقل وضوح مقارنة ب لوريال و كوليستون

امي ابدا ما حبتها تقول اسوا من باليت حتى  ( ما تذكر ليش :$ ما حبتها )

~~***~~

نجي نفصّل ب لويال اكثر 

افضل منتجين عندهم 

CASTING CREME GLOSS 

هالنوع ما يحتوي على الامونيا 

الي تعتبر ضاره على الشعر 

و مثل ما الصورة مبينه مجموعة الالوان فيه كبيرة 

دلتني عليها صاحبتي الله يجزاها خير ، شكرا فرح :* 

امي و خوخة يحبونها 

كنت احبها لين اكتشفت وحده ثانية 

excellence mousse 

ذي المفضلة بالنسبة لي .. خذت مكانة الاولى 

امي ما تحبها :p 

يقال ان في لها 14 لون ، مدري بصراحة ما عديتهم :$ 

الشغل فيها سهل خصوصا للي اول مرة تصبغ لنفسها 

و كميتها تكفي للشعر الطويل ( بين 2 و 3 )  ،  مو مثل كاستينق يبي لك علبة و نص مقابل علبة من الايكسلنت موس 

طبعا التطبيق راح يكون عليها بهالتدوينة 

~~***~~

طيب

 بعلبة الصبغة  راح يكون فيها هالاشياء 

الي بالعلبة الصغيرة مررره هو القفازات ، اذا عندك حساسية من المطاط .. يبي لك تشترين لك واحد من الصيدلية 

و على فكرة اللون جدا قوي يعني لو قررتِ تشتغلين بدون القفازات ايديك بتصير شي اخر 0_0

1 مظهر اللون 

مظهر اللون او The developer 

طبعا هالشي يساعد اللون يبين و يظهر من الاسم 

2 كريم الصبغة 

هنا اللون 

هنا الابداع يصير * فيس يرقص * 

هنا تقدرين تبدعين : تقدرين تشترين اكثر من لون و تخلطين و تجيبين اللون الي براسك 

بالصبغات الثانية بالعادة يكون شكل علبته مثل الكريم العصار 

3 بلسم 

اخ وش اقول 

دائما البسلم حق لوريال الي يجي مع الصبغة شي فضيع و جميل جدا 

حتى ريحته جميلة 

و الله اتمنى انه يسون منه منتج ينباع بالصيدلية :( 

هالعلبة تقدرين تطلعين منها ب على الاقل 3 استخدامات 

تجهيز الصبغة  :

1 - نصب اللون على المظهر :

بعدين نسكرة بهذا الشي  

بعد كذا نقلبة فوق تحت بدون خض !

بس قلب و تتركينة شوي 

اذا استعجلتِ عليه بيطلع لك كذا 

اللون هو اصلا اسود كرزي .. ف المفروض يكون اغمق من كذا

المفروض يكون كذا لونه :

استعدادك : 

1-  ملابس ما تحتاجينها او فوطة:

 انا افضل ملابس لاني ما ارتاح و انا ماسكة الفوطة طول الوقت تزعجني 

2 - فازلين :

تحطين الفازلين على اذانك  و من وراها و على الجبهة - مو كلها بس على المنطقة القريبة من الشعر - 

و على الرقبة من ورا 

3 - شعرك :

شعرك لازم يكون على الاقل يومين ما غسلتيه ، عشان زيوت الشعر الطبيعية تساعد بالنتيجة 

اذا توك محنية ما يصير تحطين صبغة اللون بيطلع غلط بقووووة 

على الاقل تنتظرين 6 شهور 

التطبيق :

عارضتنا اليوم كارلي 

اخترتها لان طريقتها نفس طريقتي تقريبا 

في اكثر من طريقة الي تعجبك و تترتاحين على سويها 

تمشطين شعرك على بعدين ما يعقدك 

تقسمين شعرك لاجزاء عشان يسهل عليك الصبغ 

تحطين الصبغة على الجذور اول شي 

عارفة في ناس بتقول لا المفروض الجذور اخر شي 

بس بالواقع ما يفرق 

الي ترتاحين عليه سويه 

طبعا تركيبة الصبغة الي تستخدمها غير عن الي انا استخدمها 

اذا تستخدمين الرغوة بتضغطين على الانبوب و تحطين بالرغوة على ايدينك ( طبعا لابسة قفاز ) و بعدين تحطين على الفروة 

اذا صبغة الي بدون امونيا مثلا راح تكون مثل الي تستخدمها كارلي 

بعد ما تحطينه تاكدي تحركينة/مساج عشان كل شي يتغطي بالصبغة 

و لا تنسين شعرك من تحت 

بعدين نبدا نشتغل على باقي الشعر 

و طبعا مهم انك تتاكدين ان شعرك كله تغطى بالصبغة 

بعد كذا ترفعين شعرك بالطريقة الي تناسبك 

و تتركينه حسب المدة المطلوبة عادة يكون ما بين 30 - 45 دقيقة 

بصراحة انا ما التزم بالوقت و اطول :$ 

بس ما ازيد عن المدة اكثر من 20 دقيقة !

شغلة اضافية اختيارية ، انك تستخدمين نفس الصبغة لحواجبك مع مساعدة اعواد الاذان 

بشكل عام اللون ما راح يطول كثير و بعد فترة راح يخف و يرجع للون الطبيعي 

عشان تتاكدين من اللون تقدرين تمسحين جزء من الشعر عشان تشوفين التغير باللون 

بس تخلص المدة تغسلي شعرك بالماء بس !

هنا تضلين تغسلين شعرك بالماء لين لون الماء يصير اقرب للشفاف 

هو ما راح يصير معك شفاف من اول غسلة و لا حتى من ثاني غسلة 

بعد كذا تستخدمين البسلم و تتركينه على شعرك على الاقل دقيقتين 

بعد كذا تغسلين 

بعد كذا تسوين روتينك العادي 

العناية بالشعر المصبوغ : 

بشكل عام يُفضل انك تبتعدين عن الزيوت خلال اول شهر من الصبغة 

كل الزيوت تاثر بلون الصبغة سواء تفتيح او تغميق 

طب ايش تستخدمين ك اقنعة بديل ؟! 

الزبادي + العسل حلوين للشعر 

تخلطينهم بكميات متساوية تقريبا بحيث يكون الزبادي اكثر شوي من العسل 

و ينترك لمدة ربع ساعة بس !

~~***~~

من نايحة الشامبوات و البلسم 

اغلب شامبوات المخصصة للشعر المصبوغ تشنف الشعر بشكل مو طبيعي :/ 

ماني عارفة ليش .. ميليون علامة استفهام 

 اذا عندك شامبو مرتاحه عليه استخدمية 

دورِ لك شامبو للشعر الجاف .. بانتين حلو ترطيبة ، بالذات هالمجموعة :

يكفي منها لو اخذت البسلم و الشامبو بس 

و اذا حابة ترطيب عميق ما في مثل 

ديب ريبير ماسك من ماكيديميا ناتشورل اويل 

متوفر بنزية ما اذكر السعر ، هو غالي بس يستحق كل ريال يندفع فيه 

اتوقع الي تقدر تشتريه من النت بتلقى بعض التخفيضات 

وحده اعرفها تمدح ب "كريم معالج " من ويلا 

وعود المنتج هنا و طريقة الاستخدام 

ما جربته بس اثق بكلامها جدا 

على حد علمنا موجود بصيدلة الدواء

من ناحية التصفيف :

 هيلينغ اويل من 

مكاديميا ناتشرال اويل

كمان موجود بنزية 

سعرة بحدود ال 150 ريال سعودي اذا ما خانتني الذاكرة 

وحده ايضا تمدح ب " كريم تصفيف للشعر المتجعد  " من  ويلا 

الي حابة حابة تشوف وعود المنتج تشوف هنا 

على حد علمنا موجود بصيدلة الدواء 

~~***~~

متفرقات 

^ م عرفت ايش اسميهم :$

اذا تفكرين تقصين و تصبغين  

و الفرق بين قصتك القديمة و الجديدة فارق نص رقم الى رقم او حتى اقل ف فعليا ما يفرق كثير و يفضل انك تصبغين بعدين تقصين 

ليه ؟!

عشان الاطراف الي احترقت بسبب ضعفها تطير 

اما اذا كان بينهم اكثر من كذا ف القص اولا افضل 

بدل التبذير -_- 

~~***~~

على حسب لون شعرك الاصلي راح يكون التغير في اللون 

ف اللي شعرها اسود فاحم - ما شاء الله - راح ما يبين عليها اللون مثل الي لون شعرها بني او اسود باهت 

مع الوقت راح تعرفين لطبيعة شعرك و كم يحتاج على يصبغ 

مثل ما قلت لكم انا اطول بالمدة عشان يثبت اللون صح 

~~***~~

شخصيا اشوف ان على الاقل بين كل صبغة و الثانية على الاقل 3 شهور 

و اللي تسوي ب اقل من كذا تجازف بشعرها 

طبعا بخارج المملكة في شي يسمونه 

root touch ups 

عشان اذا طلع لون شعر تقدرين تصبغين بس الجذور بس ما تقربين للشعر كله !

يمكن اذا بحثتوا اون لاين تلاقونه

~~***~~ 

اول يوم بعد الصبغة ممنوع لبس الابيض 

والا ودعي لباسك 

~~***~~

العناية بالشعر 

الصبغ باستخدام excellence mousse من l'oreal + نصائح عامة
_____
تقنية لوك لتصفيف الشعر { الجاف و المتعب و الاجعد } L.O.C. METHOD
_____
تقليم الشعر ( المتقصف) مع المحافظه على طوله
____
التعامل مع القشرة ~
_____

عناية لشعرك تليق به ~

_____
تجربتي مع بروتين الشعر في البيت
_____
خطوات عمل بروتين الشعر بالبيت : فيديو + بالتفصيل الممل
_____
كوني خبيرة تجميل شعرك : الخطوة الاولى : مسامية الشعر
___________
كوني خبيرة تجميل شعرك || الخطوة الثانية : سماكة الشعر
_________
تطويل الشعر في اسبوع – طريقة الانقلاب
_______
شامبو big من لش lush
______
chase method طريقة المتابعة لسرمكه الشعر
_______
بديل الزيت من بانتين – علاج ملكي للتلف
__________
بديل ارخص : قناع مكاديميا
______
ملف خاص : تساقط الشعر
______
ملف خاص : تقصف الشعر
______
ملف خاص || القشرة
_____
العناية بالشعر المصبوغ : 3 اعداء لصبغة شعرك
______
شطف الشعر بالعسل
_____
تقنية أنتوني موروكو لقص الشعر القمرية
_____
الشامبو الجاف من باتسيت_____
شامبو القشرة squanorm من DUCRAY 

~ توافيق