تجربتي مع بروتين الشعر في البيت

السلام عليك و على كل من اتبع الهُدى 

تجربتي مع بروتين الشعر في البيت 

قبل فترة غردت هالتغريدة : 

مسوية لاخوي علاج بروتين ، لشعره
فاد و الا ما فاد ناوية اكتب لكم عنه 🙃🙃🙃

— حنين  (@AroundFog) February 12, 2016

ترا مو انا جالسة اعذبه ههههههههه
اخوي و شعره .. * فيس يتنهد *
صار له فترة يدور على شي يحسن من وضع شعره ، جربه له شغله من قبل و ما فادته مع انه دفع عليه شي و شويات
لكن هذا - مقارنة باللي قبله - افضل ك نتائج و ك سعر
المنتج حطيته عليه مرتين ، الاولى ما ضبط بسبب انه توجيهاتهم غلط :/ ، اما المره الثانية ضبطت


البروتين بعد ما شفت نتيجته على اخوي ، و كانت مقبوله عملته لنفسي :))
مستحيل اضحي بشعري بدون ضمان !
ما عملته على كل شعري لاني ما كنت ابي تاثيره على كل شعري ، راح اشرح تاثيره بعدين
سويته على غرتي بس ، قبل فترة قصيت غرتي بنفسي ( ملاحظين اني صايره اسوي كل شي بنفسي ) و لان الغرة كانت مستقيمة و محتاجة اهتمام اكثر مقارنة بالغرة الجانبية .. احتجت شغلة تعطيها شكل مرتب حتى و ان كنت مو منتبهه لها.

طبيعة شعري 

حقوق الصورة ليست لي 

طبيعة شعري مزيج ما بين النوع الرابع TYPE 4 ( المفضل بالنسبة لي )
 و النوع الثالث TYPE 3 ( الاقل تفضيلاً لانه نفشه اكثر من اي شي ثاني ).

شعري مصبوغ ، لكن الجزء اللي اشتغلت عليه ما كان مصبوغ ، شعر جديد ما تاثر بصبغة و لا بغيره.

شعري فيه نفشه .. شعري و الرطوبة ما يجتمعون ، كارثة تصير ؛ وقتها فعليا شعري ما يعترف بشي اسمه جاذبية ارضية ههههههههههه

شعري كثير و لله الحمد .. طبيعةً من يوم كنت صغيره ، شي ماله علاقة بالتغذية او زيوت او غيره.

 الشعره نفسها مو سميكة.

عندي قشرة جافة
{ سبق تكلمت عن القشرة هنا : التعامل مع القشرة ~ }

شعري مو دهني ، هو جاف ، فروة راسي دهنية
اذا استشورت او سرمكت شعري يدهن اسرع ... مما لو كنت مو مستشوره/مسرمكه ، مو متاكده بالضبط ليه.
.
.

نادرا ما استشور او اسرمك شعري او حتى اسويه ويفي ، انا شخصيا جدا overprotective فيما يتعلق بشعري .. و شعري تعود على هالدلال .. على طول يتقصف اذا استشورت او سرمكت



.
.
.


اسم المنتج اللي استخدمته :

MoeHair all in one hair repair system red formula for strong and very curly hair

او اختصاراً

MoeHair Gold Treatment

MoeHair Gold Treatment متوفر ك مجموعة كاملة : 

بلسم MoeHair Gold Treatment

شامبو MoeHair Gold Treatment

المعالج/المرمم MoeHair Gold Treatment

وصف منتج بروتين الشعر MoeHair Gold Treatment

" MOEHAIR ALL IN ONE RED FORMULA FOR STRONG AND CURLY HAIR is the latest addition to our professional line of hair treatment products that is carefully formulated to follow the green market demand by today’s customers with strong hair and narrow curls. No smoke no Oder no harmful fumes were our guidelines in this formula that puts us ahead of competition in this high demand market of hair treatment products. All natural ingredients increased keratin proteins all infused with our secret ingredients promise satisfaction to our customers and their customers too"

المصدر

الترجمة - بتصرف - :
- اجدد منتجاتنا في خط انتاج المحترفين
- مصمم بعناية ، ليتبع حاجة السوق ... لشعر اقوى و كيلرز اقل.
- لا دخان ، لا رائحة ، لا ضرر من الغازات .. كان هذا اهم ما يميز هذه التركيبة
- منتجات طبيعية
- بروتين الكيراتين مدموج مع مكوننا السري ، لرضاء عملائنا و عملائهم.

طريقة استخدام MoeHair Gold Treatment

طريقة عمل البروتين في البيت 

كل الخطوات صحيحة ، فيما عدا :


الخطوتين اللي تطلب منك تجففين شعرك باستخدام الاستشوار الهوائي. خليه ينشف طبيعي احسن ، لا تستعجلينه نهائيا.

الخطوة اللي تقولك حطي كمية قليلة من المنتج ، كمية قليلة ما كأنك سويتي شي لشعرك - بس حرقتيه زيادة بالسيراميك. و على الفكرة العبوة حقت المعالج تكفي للاستخدام اكثر مره واحده. اكيد يعتمد على طول شعرك و كثافته ، لكن مثلا وحده شعرها بنفس طول شعر العارضة في الفيديو ما راح تستخدم الا ربع العبوة.
لاننا اول مره حطينا كمية قليلة ، ما شفنا نتيجة. لكن المره الثانية حطينا كيمة محترمة ، و لما اقول محترمة ما اقصد لدرجة انه يقطر من المنتج ، اقصد لدرجة انك لما تلمسين كل شعرك يبين ان المنتج مغطيها تماما.

عدد مرات تمرير السيراميك هو 15 .. مو اقل. يب الشغلة يبي لها طوله بال

* النتيجة النهائية في الفيديو جدا مضلله و غير واقعيه *

نتيجة استخدام MoeHair Gold Treatment 

نتيجة استخدامي لبروتين الشعر 

ادري اول الاسئلة اللي بتطرا على بالكم هي :

هل علاج البروتين هذا يخلي الشعر ناعم ؟
هل راح يخلي شعري ناعم لدرجة اني ما راح احتاج المس الاستشوار او الاستريتنر ؟
هل علاج بروتين MoeHair Gold Treatment يخلي الشعر حرير ؟

الاجابة هي لا و نوعا ما ايه ، شلون ؟
لا شعرك ما راح يصير حرير ، شعرك ما راح يتحول 180 درجة من اجعد إلى حرير كانه مستشور
شفتوا الفيديو اللي فوق ؟ التاثير النهائي اللي هم عارضينه غير واقعي نهائيا. هو فعليا بعد ما تخلصين من سرمكه شعرك كذا راح يكون شكله.
لكن و بمجرد ما تغسلينه راح تكون النتيجة مختلفه تماما.

اوضح لكم اكثر : اخوي شعره طويل ينفش بسهوله .. لحسن ( او لسوء ) الحظ ما يحب سالفة الكدش ، يحبه ملموم و ايضا يحبه ناعم حرير ( بالجنة ان شاء الله ) . النفشه تماما تخلص منها ، شعره صار اكثر حياة ، و صار متموج بدل ما كان اجعد.

غرتي انا ، ما كانت متضرره من صبغه او غيره ، بالتالي مسالة الحياة ماكان اولوية بالنسبة لي. النفشة راحت ، و شكلها صارت اكثر قبولا من قبل بروتين الشعر. شكلها كان اقرب ما له غرة kim go eun في مسلسل جبن في المصيدة :

الشعره نفسها ملتفه مره او مرتين .. ثلاثه بالكثير. و مفروده ، ماخذه راحتها ، معترفه بالجاذبية الارضية :)
و الي لو كان بالوضع الطبيعي ... لا للجاذبية الارضية ، نعم للارتفاع في السماء هههههههههههههه

و بالمناسبة وقتها كان جدا معجبني ، جزء من الموضوع اني كنت مغرمة بالشخصية و مظهرها. الحين و انا اكتب حاسه حالي .. بالغت ؟! ...

اذا قررت اني استشور هوا .. بسهوله يجي معي ؛ كل اللي احتاج اسويه هو اني اوجهه راس الاستشوار بزاوية شبة متعامده على غرتي .. و خلال اقل من دقيقة يضبط معي.
اما بخصوص الخصل الطويلة الموجوده على الجانب كنت احتاج استخدم لها السيراميك ، لانه افضل لتحديدها. او استخدم فرشة مع استشوار الهوائي.
طول الشعر له دور في المعادلة :))

و بالنهاية تطلع نتيجة الغرة اشببة ب :

هذا يعني ان باستخدام البروتين شعرك راح يكون أنعم من قبل ... لكن مو بنعومة الحرير مثل خويتك صاحبة الشعر الدهني :)

بالصور :

لو شعرك مثل اليمين .. راح يكون مثل اليسار ، باستخدام هذا البروتين

شخصيا ، احب الكيلرز بشعري ك كل ، لذلك ما كان عندي اي استعداد اني " اتخلص " منهم.

كم استمرت نتيجة بروتين الشعر  ؟ 

كم استمرت نتيجة علاج بروتين MoeHair Gold Treatment ؟

شخصيا انا تقريبا بكمل ثلاث شهور ، اخوي اوريدي كمل ثلاث شهور و زيادة
اخوي كان يستخدم الشامبو و البلسم
انا نهائيا ما استخدمته .. ما كنت مقتنعة نهائيا

اخوي للحين النتيجة موجودة

انا بدأت تقل .. و ما اظنه بسبب عدم استخدام الشامبو و البلسم .
اظنه بسبب اني استخدم اكثر من نوع شامبو : شامبو عادي + شامبو ضد القشرة + شامبو منقي.
انا شبهه متاكده ان الشامبو المنقي بالذات هو اللي سرّع زوال تاثير البروتين.
بس للحق مو ندمانة ، لاني متى ما بغيت اقدر اقوم و اسوي بنفسي. مثل ما قلت لكم المنتج ما زال باقي منه كمية محترمه ، لو احتفظ فيه لنفسي اقدر استخدمه ما يقارب 12 استخدام ... لغرتي - بس -  هذا طبعا.

تفاصيل منتج  MoeHair : 

سعره : 400- 500 ريال سعودي ( مو متاكدة بالضبط )
مكان شرائه : صيدلية النهدي. ما عندي اي فكرة اذا متوفر بالصيدليات الباقية
حجم العبوة : 120 مل. في احجام اكبر ( مثل اللي بالفيديو ) اتوقع تلاقونها بالمحلات اللي توفر بضاعة للمشاغل.


.
.
.

التدوينة اوريدي طويلة
في امور حبيت افصل فيها اكثر ، بس حسيت بتملون من كثرة القراءة ،
 و تقرون شي و تقطون عشرة
و اخر شي تسالوني عن شي انا اوريدي كتبت عنه.
اذا حابين اكتب تدوينة بالتفصيل كيف تعملينه في البيت ، ما عندي مشكلة ، بس خبروني بالتعليقات.

العناية بالشعر 

الصبغ باستخدام excellence mousse من l'oreal + نصائح عامة
_____
تقنية لوك لتصفيف الشعر { الجاف و المتعب و الاجعد } L.O.C. METHOD
_____
تقليم الشعر ( المتقصف) مع المحافظه على طوله
____
التعامل مع القشرة ~
_____

عناية لشعرك تليق به ~

_____
تجربتي مع بروتين الشعر في البيت
_____
خطوات عمل بروتين الشعر بالبيت : فيديو + بالتفصيل الممل
_____
كوني خبيرة تجميل شعرك : الخطوة الاولى : مسامية الشعر
___________
كوني خبيرة تجميل شعرك || الخطوة الثانية : سماكة الشعر
_________
تطويل الشعر في اسبوع – طريقة الانقلاب
_______
شامبو big من لش lush
______
chase method طريقة المتابعة لسرمكه الشعر
_______
بديل الزيت من بانتين – علاج ملكي للتلف
__________
بديل ارخص : قناع مكاديميا
______
ملف خاص : تساقط الشعر
______
ملف خاص : تقصف الشعر
______
ملف خاص || القشرة
_____
العناية بالشعر المصبوغ : 3 اعداء لصبغة شعرك
______
شطف الشعر بالعسل
_____
تقنية أنتوني موروكو لقص الشعر القمرية
_____
الشامبو الجاف من باتسيت_____
شامبو القشرة squanorm من DUCRAY 

اي اسئلة ..  التعليقات مفتوحة.
احاول التزم اني اجاوب عليها بس للحق قلبي مو فيها