السلام عليك و على كل من اتبع الهُدى
عودة لقسم جماليات .. ختامها مسك
المره الجاية اللي راح ادون فيها راح تكون 2016
الله يبارك لنا فيها و يزيدنا منه قرب و حبا
المره الجاية اللي راح ادون فيها راح تكون 2016
الله يبارك لنا فيها و يزيدنا منه قرب و حبا
هذه ثالث تدوينة لي عن المنتجات اللي خلصتها
اذا يهمك تتطلعين على السابقات :
اذا اول مره تتطلعين على هالنوع من التدوينات
فكرة تدوينات منتجات خلصتها هي اني اجيب منتجات خلصتها ( منطقي ) و احكي لكم رايي عنها
واذا كنت راح ارجع اشتريها مره ثانية او لا
لوشن موحد اللون من فازلين
* في الزاوية العليا ، يسار *
كرمال ما اكرر نفسي ، سبق حكيت عنه هنا ( منتجات خلصتها 2 )
رجعت شريته عشان اخذ له صورة محترمه و اشرشحه بالانستقرام
استخدمته بالكامل و نسيت اشرشحه هههههههههههههه
برجع اشتريه ؟
للتطريب او كرمال اشرشحه
لوشن للجسم من دوف ( للبشرة العادية ) DeepCare complex
خلصته قبل لوشن فازلين
ك تركيبة اخف من تركيبة الفازلين الموحد
كان جدا سائل
ريحته خيار منعش ..
ك ريحه و تركيبة ابدا ما يناسب الشتاء
يمكن الصيف و حتى يستخدم للترطيب الثاني مو الترطيب الاساسي
سعره عليه اذا انتبهتوا .. 15 ريال
برجع اشتريه ؟
لا ما اظن ما لقيت فيه شي مميز
سيروم وايت اوبجكتف المفتح من بايوديرما White Objective serum eclaircissant , BOIDERMA
هالسيروم سبق حكيت عنه هنا :
حكيت عنه بالتدوينة بالتفصيل الممل ، حرفيا الملل
صار له فتره منتهي اجله بس قاعده اسحب منه لاخر قطرة
برجع اشتريه ؟
ايه ، النية اثنين بعد
ديب كلين منظف للوجه عميق المفعول نيتروجينا للبشرة العادية الى الدهنية
الحين و انا اكتب ما اذكر فيه شي سيء
هو منظف و نظف :))
بشرتي ما تحسست منه
برجع اشتريه ؟
بالغالب لا ، قاعده استخدم نوع ثاني كمان من نيتروجينا
بالنسبة لي ما اعتمد منظف بعينه خصوصا من منتجات الدرق ستور ...
مصيرهم بيوقفون انتاج المنتج و يستحدثون منتجات ثانية
اصبع مرطب للشفاه بشمع النحل من بيزلين
ما ادري عنكم ، بس بالنسبة لي دائما عندي علبتين مرطب وحده ثابته و الثانية بشنطتي
مرطب بيزلين من احب المرطبات بالنسبة لي ، هو الوحيد اللي اثق فيه
و اثق بترطيبه
برجع اشتريه ؟
اكيد ، اساسا اوريدي عندي اثنين :)
غسول الجسم ( تألق ) من ديتول
اذا سبق اطلعتوا على تدويناتي السابقة ل منتجات خلصتها
انا بالغالب استخدم لوكس .. و صار لي سنين عليه لدرجة اني ما اعرف اذا بالسوق في غيره
شريت لي واحد من دوف و كتبت عنه هنا : منتجات خلصتها 2
كان جدا جدا سيء من ناحية الرائحة
فعاد قررت اجرب ديتول .. هذا ريحته مقبوله
تذكرني ريحته بريحتة الخوخ
بالعلبة مكتوب انه يوازن حمضية الجسم ... و بالتالي " يحافظ على نداوة البشرة و حمايتها الطبيعية ، لتتمتع البشرة باحساس مفعم بالطرواة و النعومة و يفيض بالصحة و العافية "
ما شفت شي مميز من هالناحية
برجع اشتريه ؟
ما اظن ، حاليا رجعت ل لوكس
بلسم للتطليف الفائق ( زيت الاركان + حماية من الحرارة ) للشعر الجاف و صعب التمليس من لوريال إلفايف
خلصت الشامبو قبل و كتبت عنه هنا :
دائما اخلص الشامبو قبل البلسم ، احد مثلي ؟
ريحته مثل ريحته الشامبو .. حلوه نسبيا
من ناحية الترطيب .. ما اعطاني شي واو
ترطيبه عادي
بالعبوة من وراء مكتوب :
" نتائج مختبره
4x شعر املس
مقاوم للتشعث ل 84 ساعة
شعرك يلمع و سهل التسريح "
ما شفت من هالحكي شي
برجع اشتريه ؟
يمكن ، بس اذا شريته فراح اشتريه لانه بلسم عادي مو لان فيه خصائص خارقة
سيتافيل كريم مرطب
من اكثر المرطبات اللي اثق فيها
كاتبه تدوينة عنه بالتفصيل
و راح احط رابطها هنا مجرد ما تنزل
المرطب في ايامه الاخيرة تغيرت ريحته علي
في البداية شكيت بنفسي ، قلت يمكن انها اول مره انتبه للريحة
بس بعدين اكتشفت ان العبوة نفسها فيها ثقوب/شقوق .. ما ادري بالضبط شلون صار كذا بس هذا مو اول منتج عندي يصير فيه كذا
و شكله لانه كان معرض للهواء باللي فيه تضرر و تغيرت ريحته
برجع اشتريه ؟
اوريدي شريت :)
WHITE SHOCK , BLANX
هذا معجون اسنان مبيض
يفترض فيه انه غير عنيف على الاسنان
و يعطي نتائج من اول تجربة !
العبوة صار فيها مثل ما صار بكريم سيتافيل ، يمكن جو الشرقية السبب ... ما اعرف
و طبعا لان دخل فيه الهواء حتى هو لاحظت فيه تغير
العلبة تقريبا في نص الكمية ما بعد استخدمتها
المنتج ما يبيض من اول مره بتاتا
غير هذا المنتج جتني فترة قررت اني اتركه فترة على اسناني قبل ما اغسله
سبب لي حساسية باسناني و بلثتي
الحمدلله تداركت الموضوع و عملت السحب بالزيت ( كتبت عنه هنا : #عادة_نوفمبر : السحب بالزيت/ المضمضة بالزيت Oil Pulling لصحة افضل )
جلي اصلي نقي للبشرة ، فازلين
قررت استخدمه وقت ما د. احمد مدحه للترطيب ، هذا الفيديو اللي مدحه فيه :
اتوقع اخذ مني 3 اسابيع عشان اخلص العلبة كاملة
من ناحية الترطيب ما عليه كلام ، يرطب
بس وقت ما البس ملابسي ، كل الكريم راح بالملابس -_-
يعني حتى لو اقول لنفسي اجلسي شوي بدون لبس لين تمتصه البشرة ، ما يجي !
الوضع ابدا مو عملي و لا البشرة راح تمتصه
هذا غير ان فكرة على البشرة بحد ذاته يبهذل ... و اخذه من العلبة يبهذل خصوصا اذا اظافرك طويلة :/
ترطيبه الى حد كبير ذكرني بزبدة الشيا .. بالرغم من اني ما عملت مقارنة دقيقة
لكن برايي اللي تفكر تستفيد من زبدة الشيا بس مو حاصل لها تشوف الفازلين
برجع اشتريه ؟
لهالغرض بالذات بالغالب لا
بلسم الترطيب المعالج من بانتين برو في
ريحته مقبوله
جلس فترة طويلة عندي ، اهمتله لاني تحمست مع حق لوريال
للحق ما فيه شي مميز
يعطي شعري التطريب اللي تحتاجه و بس
برجع اشتريه ؟
بالغالب لا
كريم مفتح للمناطق الحساسة ، بيزلين
هالمنتج محتاج تدوينة بحالها
ريحته معطره ، حلوه .. تعجبني
ك تركيبة ما فيها شي مزعج
ك نتيجة ما شفت شي يذكر
و المشكلة عندي ما كان شي ضخم
العلبة هذه هي ثاني علبة شريتها ، الاولى خلصتها من زمان حتى قبل ما ابدا بتدوينات منتجات خلصتها
و عندي منه علبه ثالثة قاعده استخدمها حاليا .. حتى الان ما شفت نتائج تحمس ، حتى الان ما شفت نتائج من الاساس
برجع اشتريه ؟
عشان المفعول لا ، لانه اساسا ما في مفعول
يمكن اقرر اشرتيه عشان الريحة .. الله اعلم
____
عطر سينسورد CENSORED من مكياجي
ريحته حلوه ، تعجبني
و انا نادرا ما يعجبني ريحته عطر
علاقتي مع العطور بالغالب علاقة كرهه ..
صار له فترة على اخر بختين و حضرتي محتفظة فيه
قررت ابخهم و ارميه
برجع اشتريه ؟
لا
مرطب للجسم من زهور الريف
BODY MOISTURIZER , LE VERGER SHOP
هو على شكل بخاخ مرطب
بس صار له سنين عندي
و دائما اتفادى استخدامه عشان العطر اللي فيه
اخر شي ابيه يقلب لوني او تطلع لي بقع بجسمي
ريحته العطرية قوية
برجع اشتريه ؟
لا ، اساسا ما اظن ان زهور الريف مستمرين بانتجاته
VIRGIN COCOUNUT OIL , NOW كبسولات زيت جوزهند بكر
طلبته اون لاين ( موقع امازن) من خلال وسيط
العلبة فيها 120 كبسولة
النصيحة المعتمده هي استهلاك 3 كبسولات مرتين او ثلاث مرات باليوم !
مره كثير
اللي انا شخصيا اعتمدته 3 كبسولات مره وحده باليوم ...
ما لقيت اي تاثير على صحة جسمي او جلدي او حتى شعري
برجع اشتريه ؟
حاليا عندي علبة ثانية منه ، منها ببدا استخدمه مرتين باليوم
اذا طلعت معي نتيجة كتبت عنه بتدوينة منفصله اما اذا ما طلع معي شي بيصير ب احدى تدوينات منتجات خلصتها
شموع من Beijing Candleman Candle Co., Ltd
كلهم من خط انتاج اسمه
COZY collection
الابيض ب الفانيلا الواضحة
الاخضر بالتفاح و الكراميل
البرتقالي ب بستان البرتقال
احبهم كان بالنسبة لي هي الاخضر ، بالرغم من ان ريحتها قبل ما اشغلها كانت سيئة
مدة احتراقهم اعطيها ما يقارب ثلاث ايام يعني 72 ساعة
لقيتهم بالتميمي ... ما يتفوتون
حتى شكل القزاز جدا جميل .. ناوية انظفة من الباقي من الشمع و استخدمه
~~~****~~~
و خلصنا
اذا عندكم اقتراحات لمنتجات اجربها
او خلصتوا منتجات و حابين تحكون تجربتكم معها
احكوا لي عنها في التعليقات
توافيق
ليست هناك تعليقات:
إرسال تعليق
شاركيني رايك ♥