30 Days of Yoga With Adriene

سلامٌ على من اتبع الهُدى 

وحده من اهدافي هالسنة اني التزم بالتمارين الرياضية 

خياري الاول حتى الان هو اليوقا 

مثل ما سبق و كتبت بتدوينة إستقبال - متاخر - ل 2015 

بسم الله نبدا 

هذه التمارين كانت مع المدربة ادريان Adriene

الصورة من التحدي لليوم الثالث 

اعلنت عن هذا التحدي بهالفيديو :

طبعا انا ما فكرت مرتين .. على طول قلت بنضم معها 

و هنا رابط لللايام كلها الي فيها التمارين 

ايش الاشياء الي نتحتاجها لهالتحدي ؟

احتاج خبرة بالتمارين 

كم مده كل جلسة ؟

كلها جاوبت عليهم في هالفيديو 

في حال ان ما عندك وقت او النت بطيء و ما يشتغل الفيديو زين او ما عندك لغة :

يُفضل انه يكون عندك :

 فرشة يوقا YOGA MAT .. في حال ان ما عندك ممكن تستخدمين سطح ثابت 

الصورة من النت 

كتلة  BLOCK ، تستخدم للاستناد عليها .. في حال ان ما عندك تقدرين تستبدلينها بكتاب 

الصورة من النت 

و اخيرا تحتاج فوطة او مخده 

ما يهم اذا عندك خلفية عن تمارين اليوقا لكن يُفضل انك تطبق هالتمارين بالفيديو :

مده كل جلسة تتراوح ما بين 33 دقيقة الى 15 دقيقة ... 

انطباعي/تجربتي :

بدات معها تقريبا من اول ما بدت .. بس اني كنت متاخره يوم .. كان عندي عرس و ما فضيت اتمرن 

بالنسبة لي كان الموضوع تجربة جديده جدا .. طريقتها و اسلوب اليوقا سحرني بحق 

في اليوقا نركز على النفس .. شهيق ، زفير .. و هالشي مهم بالنسبة لي في هالفترة 

^ في تحدي اشتغل عليه بيني و بين نفسي .. يعتمد على هالتنفس 

حتى بالعد ما نعد واحد اثنين ثلاثة ، لاء .. النفس الاول ، النفس الثاني ، النفس الثالث 

اليوقا معها احس كاني ادلل نفسي .. اعامل جسمي بالحسنى 

دائما في حالة مراقبة لجسمي .. ما اضغط عليه فوق ما يقدر و بنفس الوقت شوي ارفع مستوى التحدي عليه 

و حتى بعد ما ارفع مستوى التحدي عليه .. ارجع ادللله

حتى تطبقون ما تدرون عن ايش انا احكي 

بالمناسبة ادريان كانت تعاني من مشاكل في الظهر .. و باليوقا - بناء على كلامها - راحت الالآم 

في اول الايام كنت اجاهد نفسي حبتين .. بس بعدين بديت اشتاق للتمرين 

و صرت اتحمس له 

التحدي بديت فيه بفترة شتاء مثل ما اغلبكم عارف .. كان يصعب علي اني افصخ شراباتي - تكرمون - بحكم ان ارضية غرفتي شمع و تقريبا طول السنة بارد فما بالك بفترة الشتاء 

خلال التحدي كان في ايام ما في تمارين صعبه مره - بالنسبة لي طبعا - ... او مستحيلة .. و تقريبا كل مره بالاسبوع يطلع لنا تمرين حبتين صعب و يتطلب قوة 

ببداية الايام كان الصعوبة اني اركز على اني اتنفس و بنفس الوقت اتمرن ... اخذ مني وقت على بال ما تاقلمت 

كانت الصعوبة اني ما استعجل بالتمرين .. و اني اركززز

مع جيليان متعوده القوة بالسرعه و كلما كثر عدد المرات كان افضل .. صار لي بيرادايم شفت معها 

خلال اول 3 ايام بس الي حسيت بالم بذراعي و اكتافي .. بعدها ما حسيت بالم 

الشغلة الي كانت احيانا تزعني ان التمرين الواحد كان فيه اكثر من مستوى .. فتجلس ادريان تحكي عنهم .. انو تقدرون تسوون هذا او تقدرون تسوون هذا او تقدرون تسوون هذا .. ابدا ارد عليها " ادريان ، تبيني اذبحك !"

هههههههههههههههههههههههههههههههه

كلمتها

هالتحدي ما يشد جسم ، ما ينحف ، بس يقوي جسمك .. و يساعدك على انك تكونين مرنة اكثر 

اليوقا كمان مفيده في تظبيط مراكز الطاقة ( التشاكرات ) .. 

اذا كنت بادية بعالم اليوقا و حابة تقوين نفسك و تصيرين مرنه اكثر هالنظام ممكن يفيدك .. اما اذا كنت متقدمه في اليوقا اشك ان هالنظام راح يفيدك اطلاقا 

تمارين رياضية 

day shred with Jillian Michaels 30
______
Ripped in 30 with Jillian Michaels
_____
4-Week Ab Challenge تحدي المعدة لمده 4 اسابيع
____
Yoga 10 Days Challange تحدي يوقا لعشرة ايام
_____
30 Days of Yoga With Adriene
____
The 14 Day Yoga Shred Challenge with Sadie Nardini
_____
تجربتي مع 30 day squat challenge
____
Yoga Camp مخيم يوقا
_______
تجربتي مع تمارين جيليان killing buns and thighs

اقترحوا علي انظمة او تحديات رياضية اتبعها :)) 

~ توافيق