تقليم الشعر ( المتقصف) مع المحافظه على طوله

سلام على من اتبع الهُدى 

تقليم اطراف الشعر تقريبا كل شهر عادة مهمه لكل وحده ترغب بالحفاظ على صحة شعرها 

المشكله تقع في ان الطريقة هذه عائق إلى كل فتاة ترغب بتطويل شعرها او على الاقل الحفاظ على تسريحته الحالية

الحل في هذه التدوينه .. 

بالمناسبة بامكانك الحصول على جديد التدوينات بالضغط على زر "انضام لهذا الموقع "

قبل ما نبدا 
الطريقة ذي مو لاي احد .. و لا لاي شعر 


الادوات :

- مقص يُفضل انه يكون صغير 

+ وقت = )

لا منتِ بحاجة مراية ! *wink*

الطريقة :

تمسكين شعره .. شعره
الشعره الي فيها تقصف .. تقصين الشعر من فوق التقصف مسافة قليلة ، مسافة ما تتجاوز 1 سم
الشعره الي ما فيها تتجاوزينها .. تتركينها و تنتقلين للي بعدها

تقدرين تقسمين شعرك 4 اجزاء بحيث انك ما تتركين جزء ما انتبهتي له 

امثلة على الشعر التالف : 

الشعره الي تصير معقوده ( مثل الحبل لما يتعقد ) .. تنقص
الشعره الي لونها افتح من لون شعرك الباقي ( بدون صبغ ) ... تنقص
الشعره الي ملمسها جدا جاف بمقارنة مع باقي الشعر ... تنقص
الشعره الي سمكها مو متساوي ( يعني على طول الشعره تصير نحيفه بعدين سميكة بعدين نحيفه بعدين سميكه بعدين نحيفه بعدين سميكه ، وصلت الفكرة ؟ ) ... تنقص 

حبيت اجيب صور اوضح بس للاسف ما لقيت بالنت ، و تحرجت اصور شعري التالف :))

و ارجع اقول القص من فوق المكان المتضرر بمسافة مو اكثر من 1 سم

اسباب تميّزها :

1 لو قلنا على فرضيه انك راح تروحين للمشغل عشان بس تقص لك 3 سم .. تطلعين من عندهم و انتِ قاصه 30 !

و مثل ما قلت في المقدمه اذا كنتِ مهمته بتطويل شعرك .. اكيييييد ما راح ينفع الوضع معك

مثال كيف فرق 1سم عندك و عند الكوافيرة :/ 

2 عشان التقليم يكون متساوي و مضبوط تحتاجين احد يقص لك .. صحيح ان الموضوع مو محتاج خبرة اذا كان بس تقليم لكن ممكن تصير اخطاء و يصير شعرك مو متساوي او تخرب قصة شعرك 

 3 يمكن ما في احد حولك يقص :/ او حتى فاضي لك 

4 احيانا يكون اغلب الضرر في جهه وحده من شعر الراس مو محتاجه انك تقلمين كل شعرك !

5 من خلال هالطريقة راح تتعرفين على شعرك اكثر ، راح تبداين تلاحظين ان في مناطق يتركز فيها الشعر المقصف ، راح تبداين تعرفين اذا شعرك جاف .. ميت .. تعبان .. إلخ في مناطق معينة او لا ، بالتالي راح تهتمين فيه اكثر و تعرفين اسباب المشكلة ... انا من ورا هالطريقة صرت اعرف اذا شعري يحتاج قص اطراف او لا من خلال اللمس بس .. صرت حتى ما احتاج اشوف الشعره عشان اعرف انها تحتاج قص

6 تحافظين على قصة شعرك قد ما تقدرين

الطريقة هذه تفشل من ناحيه ( سلبيات ) :

1 اذا كان ربع شعرك او اكثر متضرر :( ، في هالحالة انتِ محتاجه تعديل جديد و تسريحه جديده ..
في هالحاله انصحك تقصين شعرك تدريجيا ..
على سبيل المثال :

 لو شعرك عند رقم 3 لا تقصينه لين 1 مره وحده !

اولا انتِ بالغالب ما راح تعرفين تتعاملين معه صح و ثانيا شعرك راح ينفجع و يزعل و يبطل يطول .. و ثالثا حتندمين انك قصيتيه

2 اعتبرها نوعاً ما مسببه للادمان :$ تصيرين كلما كنتِ لحالك و فاضيه تدخلين علمية بحث عن شعره متقصفه 

3 لو شعرك قصير مره ، ما راح تقدرين تمسكين الشعره و تشوفينها بعيونك :(

العناية بالشعر 

الصبغ باستخدام excellence mousse من l'oreal + نصائح عامة
_____
تقنية لوك لتصفيف الشعر { الجاف و المتعب و الاجعد } L.O.C. METHOD
_____
تقليم الشعر ( المتقصف) مع المحافظه على طوله
____
التعامل مع القشرة ~
_____

عناية لشعرك تليق به ~

_____
تجربتي مع بروتين الشعر في البيت
_____
خطوات عمل بروتين الشعر بالبيت : فيديو + بالتفصيل الممل
_____
كوني خبيرة تجميل شعرك : الخطوة الاولى : مسامية الشعر
___________
كوني خبيرة تجميل شعرك || الخطوة الثانية : سماكة الشعر
_________
تطويل الشعر في اسبوع – طريقة الانقلاب
_______
شامبو big من لش lush
______
chase method طريقة المتابعة لسرمكه الشعر
_______
بديل الزيت من بانتين – علاج ملكي للتلف
__________
بديل ارخص : قناع مكاديميا
______
ملف خاص : تساقط الشعر
______
ملف خاص : تقصف الشعر
______
ملف خاص || القشرة
_____
العناية بالشعر المصبوغ : 3 اعداء لصبغة شعرك
______
شطف الشعر بالعسل
_____
تقنية أنتوني موروكو لقص الشعر القمرية
_____
الشامبو الجاف من باتسيت_____
شامبو القشرة squanorm من DUCRAY 


~ توافيق