سلامٌ على من اتبع الهُدى
التدوينة الثانية عن منتجات خلصتها
حتى الان كله منتجات عناية ، مكياج ماكو
فكرة تدوينات منتجات خلصتها هو اني اتكلم عن تجربتي مع منتجات خلصتها
و قراري اذا راح اشتريها مره ثانية او لا
حتى الان كله منتجات عناية ، مكياج ماكو
فكرة تدوينات منتجات خلصتها هو اني اتكلم عن تجربتي مع منتجات خلصتها
و قراري اذا راح اشتريها مره ثانية او لا
بسم الله نبدا
بالمناسبة بامكانك الحصول على جديد التدوينات من خلال الضغط على زر انضمام لهذا الموقع الموجود في جهة اليسار
حابه انبه ان اللون المخالف يعني رابط لتدوينة
غسولات الجسم :
سائل استحمام منعم من لوكس
غسولات لوكس للجسم هي المفضلة عندي دائما
اتوقع هالغسول هذا تحديدا رجعت شريته اكثر من 4 مرات
الغسول ما يسوي شي عجيب او سحري .. ينظف و بس
هذا بالرغم من ان في وصف المنتج كاتبين انه :
" صنعُ سائل الاستحمام هذا خصيصا من خلاصة الحرير المنعمة و خلاصة الزهور العطرة ليمنح بشرتك ترطيبا لطيفا برغوته الغنية ليتركها ناعمة كالحرير و عطرة باناقة "
ما يرطب
تعجبني ريحته .. و هذا الي يميز منتجات لوكس
هل راح ارجع اشتريه ؟
داخله فترة ابي اشوف وش فيه بالاسواق غسولات جسم
حاسه حالي من وعيت على الدنيا و انا استخدم لوكس ، ف ابي اغير
nourishing beauty shower, DOVE
المنتج شريته بعد ما قررت اني اجرب شي غير لوكس
المنتج اول شي لاحظته عليه ريحته سيئة جدا جدا جدا جدا
ماني عارفة كيف خلوا ريحة الخيار و الشاي الاخضر تصير سيئة لهالدرجة
بالعافية خلصته
هل راح ارجع اشتريه ؟
ابدا !
المنتج اول شي لاحظته عليه ريحته سيئة جدا جدا جدا جدا
ماني عارفة كيف خلوا ريحة الخيار و الشاي الاخضر تصير سيئة لهالدرجة
بالعافية خلصته
هل راح ارجع اشتريه ؟
ابدا !
body wash ( PASSION STRUCK), VICTORIA'S SECRET
المنتج جاني هدية ضمن مجموعة و كنت حاطه الصورة بانستقرامي
المنتج ريحته رجالية .. و جدا استغربت كونه من فكتوريا سيكرت
المنتج ينظف حاله حال اي منظف جسم
هل راح ارجع اشتريه ؟
لا
مقشرات
مقشر بخلاصة المشمش ( مفتح ) من سانت آيفز
مقشرات سانت آيفز من اشهر المقشرات
هالمقشر كنت استخدمه لوجهي اكثر من لجسمي
مع ان في ناس تحذر من استخدامه للوجة .. عني ما شفت اثار سلبية من استخدامه
تقشيره مو قوي .. و لا هو بالقوة الي انا ابيها
المنتج يعد :
" يجعل البشرة فاتحة فتبدو مشعة متجددة و انعم ملمسا بشكل لا يصدق.
إن هذا المقشر المفتح بالمقشرات الطبيعية 100% ينظف و يزيل خلايا البشرة الباهته فيكشف عن بشرة فاتحة و مشرقة."
يعني بصورة اخرى دعوى انه يفتح مو صحيحة
لان المسالة هو ان الطبقة الميته تروح و تطلع بشرة انضر
ف الي تفكر تشتريه عشان خاصية التفتيح ما راح تشوف نتيجة مرضية
هل راح ارجع اشتريه مره ثانية ؟
لا ، لقيت بديل احسن :)
مرطبات الجسم
لوشن موحد اللون من فازلين
هالمنتج قبل ما اشتريه سمعت مدح كثير كثير عنه ، لدرجة قلت خلص هذا المتنج المعجزة
ترطيب المنتج ترطيب معقول مع ان اسمه لوشن
المنتج استخدامه يكون مرتين باليوم ، هذا " للحصول على افضل النتائج "
المنتج يعد ب
" فازلين اللون الموحد الصحي الجديد يتعدى فعالية الترطيب العادي ، لانه يعيد لبشرتك لونها الموحد الطبيعي
و يوفر لها وقاية ثلاثية من اشعة الشمس فوق البنفسجية "
اذا قرتوا مدونة تحديث لتجربتي مع الليزر المنزلي ذكرت انه من احد الامور الي واجهتني هو اسمرار ركبتي بسبب الجفاف
فاول شي لجات له هو استخدام هالمنتج
خلصت علبة كاملة و ثلاثة ارباع علبة ( ما صورتها ) .. و ما شفت شي واو منه
حطوا في بالكم اني كنت ارطب مرتين باليوم و بكرم
هل راح ارجع اشتريه ؟
بالغالب لا ، و اذا رجعت شريته فهو مو عشان خاصية توحيد اللون
سبق حكيت عنه بمنتجات خلصتها 1
ليت بس ذا بودي شوب يسون سياسة اقدر فيها ارجع لهم المنتجات الي خلصتها مثل باك تو ماك
ملطف لصحة الايدي و الاظافر من فازلين
هالكريم جميل و جدا احبه كونه مرتبط بذكريات بفترة مراهقتي
المنتج تم تحديث تركيبته و شكل عبوته
بسبب تحديث التركيبة صار المنتج ما ينفع يستخدم بالنهار
^ هالمعلومة ما دريت عنها الا بعدين
لاني متعودة عليه ما فكرت التفت و اشوف التعليمات
ف سمر لي المنطقة الي حول اظافري :(
خصوصا اني كنت ادهنه كل صبح و اطلع للدوام
تطريبه ما عليه مشكلة ، لكن عيبه ما يناسب النهار
هل راح ارجع اشتريه ؟
ما اتوقع راح ارجع اشتريه الا اذا حنيت :$
شامبو الشعر
إلفايف شامبو للتلطيف الفائق للشعر الجاف و صعب التمليس
هالشامبو طلع فترة يوم الناس هبت بزيت الاركان/الارقان
للحق الشامبو ما فيه شي زيادة
واصفينه على اساس انه
" يغذئ و يهدئ ، نعومة تدوم "
مو صحيح
و على اساس انه يعطي نتائج
"
4 مرات شعر املس
مقاومة للتشعث ل 48 ساعة
شعرك يلمع و سهل التسريح
"
كمان مو صحيح ، على الاقل مو على شعري الي جاف و صعب التمليس
المنتج ما فيه مشكلة .. لكن ما يحقق الوعود
ينظف ؟ ايه
ريحته حلوه
ما خرب شعري او ضره
هل راح ارجع اشتريه ؟ يمكن ايه يمكن لا .. لكن ما هو شي ادمنت عليه
و للحق عندي علبة ثانية منه قاعده استخدمها حاليا
بلسم الشعر
بلسم من صبغة لويال اكسلنت كريم
هالبلسم 44 مل
يجي من ضمن مجموعة صبغ الشعر
امي تستخدمه مره و ترميه علي :)
البلسم ترطيبه رائع و هالشي سبق قلته بتدوينة صبغ الشعر في البيت
حقيقي ماني عارفة ليه لوريال ما تسوي خط انتاج بلسم !
عندي يمكن فوق 4 جدد .. جدا عملي و مناسب للسفر
و بالنسبة لي ما احتاج كمية كبيرة ، يعني العلبة 3-5 استخدامات
هل راح ارجع اشتريه ؟
لو الشركة تبيعة منفرد كان ايه
منظفات الوجة
ميلك و تونر منعش 2 في 1 من نيفيا
المنتج مخصص للبشرة العادية إلى المختلطة
ما ينظف بشرتي بالقوة الي افضلها
مع ذلك كنت استخدمه في البداية بنفس اليوم الي اسوي فيه ليزر لوجهي
المنتج يستخدم بطريقتين اما فرك على الوجة بعدين غسل بالماء او ازالة بالقطن
بالنسبة لي ما احس بشرتي نظيفة بدون ما اغسل بالماء
كنت كمان استخدمه لتنظيف الفرش ،
كونه حليبي ينظف لي كلهم الا الي فيها منتج كريمي مثل كريم الاساس
هل راح ارجع اشتريه ؟
لا
sweet camellia & herbal perfume , Le verger shop
العطرين من زهور الريف
عطور مركزة ، خالي من باربين ، سيتعمل بعد الحمام
العطور - ك غالبية الي العطور عندي - جوني هدية
العطرين كلهم ريحتهم هادية ، للجنسين .. ريحة نظافة
بالنسبة لي الاحب لي هو هيربل
هل راح ارجع اشتريهم ؟
لا ، العطور ابدا مو مجال اهتمامي - حتى الان على الاقل -
زيت السمسم من وادي النحل
زيت السمسم من تجربتي من افضل الزيوت للسحب بالزيت
كمان هو افضل زيت للي تبي تنعم شعرها
الزيت ما راح يخلي كان شعرك مستشور ، لا مو لهالدرجة
لكن الشعره نفسها تصير اطرى و اكثر نعومة من قبل
الماركة نفسها ، وادي النحل ، اميل لها كثير
بالرغم من اني ما اشوفها بكل صيدلية
هل راح ارجع اشتريه مره ثانية ؟
الزيت اوردي عندي علبة ثانية ، لكن مو نفس الماركة
SOLO CARE AQUA All-In-One Solution
90 مل
للحق ما ادري وش اقول عنه
ينظف العدسات مثل ما هو مطلوب :)
ما يسبب لي تحسس او اي شي من هالقبيل
هل راح ارجع اشتريه ؟
ايه ، دامني البس عدسات
Fucidin Antibiotic
و هل يخفي القمر ؟
مبين قد ايش احبه
احس ع لو كيفي شرحته و طلعت الي بالزوايا
المنتج دائما استخدمه بعد ما انظف بشرتي حتى ما تحسس علي
خصوصا اني بشرتي لما انظفها تقلب حمراء
اذكر مره كنت منظفة بشرتي و اختي الصغيرة شافتني
و بعدها بكم ساعة شافتني مره ثانية ناظرتني منهبلة
" شلون وجهك كان *-*"
و بكذا نكون انتهينا
في غسول جسم تنصحوني اجربه ؟
او شامبو شعر تشوفون انه مناسب لشعري ؟
عندكم راي مختلف عن احد المنتجات الي كتبت عنها ؟
احكوا لي
منتجات خلصتها
منتجات خلصتها 1 Empties_____
منتجات خلصتها 2 *
_____
منتجات خلصتها 3
~ توافيق
للاسف شامبو رويال جدا سيئ
ردحذفونشف ونفش لي شعري 😭😭😭😭😭😭
وبخصوص منتجات اللي انصحك تجربينه
ادخلي موقع ايهرب في منتجات جميله جدا
جربي منهم منتجات الشعر والبشره 💓💓💓
والان اطلب منهم مكملات وبروتينات لبرنامجي الرياضي
وشكرا لك علي تقريرك وتفصيلك لتجاربك الجميله ياعسل
وممكن تذكري طرق جيده لتمليس او حل لمشكله هيشان الشعر
وبالتوفيق
شكرا للاقتراح ، ايهرب خدمتهم ما تعجبني ..
حذفبخصوص التمليس تلاقين في قسم تدويناتي مع سبويلي موضوع تحديدا بهذا الخصوص
هيشان الشعر لكون لها اكثر من مسبب صعب ان يكون في حل سحري واحد
شكرا لك و لدعمك ()*