السلام عليك
من الامور اللي اتحمس لها نهاية كل سنة هي مفضلات 2015
اجلس اتفرج على فيدوات اليوتيوب يمكن بالساعات
اليوتوبرز بالذات تجيهم كمية عروض و منتجات هائلة
فكون منتج يدخل في قائمة مفضلات سنوية فهذا يعني انه تفوق على 10 منتجات اخرى اذا مو اكثر طلعت هالسنة
بالنسبة لي اول مره اسوي هالنوع من التدوينات ، مو عارفة ليه
بالرغم اني اول سنة لي كنت اكتب تدوينة عن مفضلات نصف سنوية
لكني ما استمريت عليهم
نشوف اذا السنة الجاية استمر بالمفضلات السنوية او لا
* بالمناسبة الترتيب عشوائي تماما *
شامبو ملح البحر BIG من لش LUSH
هالشامبو غير لي شعري180 درجة للافضل
للحق انا من الاشخاص اللي يشوفون ان الشامبو للتنظيف و بس .. و عشان كذا شريته
كان بنيتي انه شامبو منقي بما ان فيه ملح
ما قريت باقي التفاصيل لاني لو قريت ما كنت شريته ، بس الحمد لله اني ما قريت
المنتج يعطي شعري ترطيب
بديل الزيت ( علاج ملكي للشعر التالف ) OIL REPLACEMENT من بانتين PANTENE PRO-V
اول مره جبت سيرته هنا في المدونة في تدوينة :
استخدامي له حاليا تغير ، صرت اعتمد عليه بس و سحبت على باقي الشلة
يعطيني الترطيب اللي احتاجه
و بالمناسبة ما جربت الا هالنوع ، و لا ادري اذا في فرق بينه و بين الانواع الثانية
عموما ناوية اكتب عن روتين عنايتي بشعري حتى توضح لكم الصورة اكثر
حمام كريم معالج TREATMENT REPAIR من WELLA PRO SERIES
تذكرون قبل فترة هبت منتجات مكاديميا اللي ضربت اسواقنا
شخصيا من المجموعة ما عجبني الا القناع العميق و الزيت
الحمام المعالج هذا بديل للقناع العميق من ماكيدميا
قطرات من الشباب ، قناع ليلي drops of youth bouncy sleeping mask
{ اول مره تسمعين ب قناع ليلي ؟ شيكيالعناية بالبشرة : الاقنعة}
اي اعترف مازلت احتفظ فيه بنفس كرتونه
معه معلقة و للحق ما ابيها تتوصخ او تضيع .. كذا اسهل لي
اذا حاسه حالك بشرتك محتاجة تطريب عميق سواء بسبب جفاف او عطش ، هذا لك
للمنتج سلبيات ، على المدى الطويل من الاستخدام .. مو هنا مكان التفصيل فيها
له تدوينة كاملة بالطريقة
قناع الذهب المنزلي
الطريقة نزلت علي الهام
وقتها كنت ابي استخدم الكركم بس بنفس الوقت كل الوصفات الموجوده تقلب لون وجهي
انا درجة لون بشرتي ( الاندرتون يعني ) طبيعي ، يعني لما اضيف الكركم يطلع لوني زيتوني
ابدا منظر مو جميل ، بنفس الوقت ماهو منطق اجلس ربع ساعة افرك و افرك و افرك بوجهي عشان اللون يختفي
المهم نزل علي الالهام اني ادمجه مع العسل ، عاد تعرفون انا من محبين العسل ك قناع و سبق حكيت عنه هنا
ضبطت الوزنية للعسل و الكركم و نتائجة اكثر من مرضية
كتبت عنه هنا
كريم و سيروم وايت اوبجكتف النهاري المفتح WHITE OBJECTIVE CREAM + SERUM من بايوديرما BIODERMA
هالثنائي من المفضلين عندي
للحق ما جربت غيرهم ، لكن نتائجهم فعالة
و انا شخصيا ماركة بايوديرما من الماركات المفضلة عندي
كتبت عنهم بالتفصيل هنا
و هنا
مقشر GEL GOMMANT PURIFIANT من بايوديرما BIODERMA
واحد من افضل المقشرات اللي جربتهايقشر لك صح و بنفس الوقت ما هو قاسي على البشرة
سيروم DOUBLE-LASH لرموش اطول و اكثر كثافة و قوة
* عذرا نسيت اشمله بالصورة *
بالطريق في تدوينة مفصله عنه
بالطريق في تدوينة مفصله عنه
احبه لانه اعطاني كثافة و قوة لرموشي
وقت ما تنزل المقالة راح احط الرابط هنا
علاج فولتين فارما لتحفيز طول و كثافة الرموش و الحواجب
* عذرا نسيت اشمله بالصورة *
المنتج حبيته استخدمه قبل دبل لاش
اكثر شي حبيته في هو تطويل رموشي ، بالرغم من اني واجهت بعض " المصاعب " معه
كتبت عنه بالتفصيل هنا
ماء الورد ك تونر
واحد من اكثر الامور اللي تعطي البشرة نور
سبق حكيت عنه بانستقرامي للجمال
الدباجة كاملة :
ماسكرا PRETTY CURLING MASCARA من FLORMAR
اذا دخلتوا على تدوينات مفضلات 2013 اللي قلت عنها في المقدمة
بتلاقون ان جبت سيرة المسكرا الصفرا من ميبلين ، للحق طوال الفترة اللي طافت ما اعجبني غيرها
لكن خلال هالسنة طحت لي على ذي اعجبتني مره
للحق حاليا طبيعة رموشي تغيرت عن 2013 ، فرق شاسع
الحين اطول و اكثر كثافة و السببب هو سيروم دبل لاش و فولتين
راح اكتب عنها تدوينة مفصلة
اذا في امور معينة تحبون تعرفون عنها خبروني
كونسيلر فت مي من ميبلين
تغطيته رائعه ، لكنها مو 100%
اقرب للطبيعيه ، ناويه اكتب عنها تدوينة تفصيلية
اذا في امور يهمك تعرفون عنها تحديدا عن هالكونسيلر خبروني بالتعليقات
زبدةالجسم شيا من ذا بودي شوب SEA BODY BUTTER
للحق مو متاكدة اذا اول تجربة لي معها في 2015 او 2014
معليه مشوها لي
ترطيبها غني ، ريحتها تهوس ( اكيد يعتمد على النوع اللي تاخذينه )
العيب الوحيد اللي فيها هو ان الكمية قليلة مقارنة بالسعر
بالنسبة لي تقريبا اخلصها خلال 3-4 اسابيع
مقارنة بباقي الكريمات اللي عادة استخدمها ذي تخلص بسرعة
و هالشي دايما يخليني ادور ل بدائل ارخص لها ، لكن بدون فائده
اذا تعرفون شي يوازيها بالمزايا خبروني
ممسحة المكياج makeup eraser
كتبت عنها بالتفصيل هنا
انطباع || ممسحة المكياج makeup eraser
الغسول الحميم GYN - PHY من URIAGE
اول مره سمعت عنه من منى ال مرزوقو اذكر كثير كانوا يشتكون ان سعره غالي
الكمية اللي في المنتج تكفيك لسنة قدام
و بالاساس الغسول الحميم ما يستخدم بشكل يومي
المنتج ريحته تهوس
جد اوقات ودي لو استخدمه لكل جسمي
عطر ريما من الماجد للعود
عطر ثقيل ، مناسب للجمعات و السهراتالعود واضح فيه
لكن بنفس الوقت ماهو مثل ريحة عطور الجدات
* حساسيتي للروائح القوية خافه ملاحظين ؟*
عطر فيري روز FERRE ROSE
عطر نسائي ناعممقارنة ب ريما فهو اخف ، بالاساس لان ما فيه عود
حاولت اوصف اكثر بس للاسف ما اعتبر نفسي شاطرة بوصف العطور و الروائح
شموع Beijing Candleman Candle Co., Ltd
كتبت عنه بمنتجات خلصتها ، هنا :
منتجات خلصتها 3
شمعه - بانجالو رقم 9
كتبت عنها ب منتجات خلصتها ، هنا :
كل الشمعتين ما رجعت شريتهم لاني ابي اخلص الشموع اللي عنديارجع اذكر هذه " اكتشافتي" لهالسنة
في امور صار لي سنين احبها مثل :
انطباع || اساسي المفضل : استي دبل وير Estée Lauder double wear foundation
فكس بلس + FIX من ماك
سنتيليتنغ باودر وشمع الحواجب ) من مكياجي
شاركوني بمفضلاتكم للسنة اللي فاتت
منتجات خلصتها
منتجات خلصتها 1 Empties_____
منتجات خلصتها 2 *
_____
منتجات خلصتها 3
ليست هناك تعليقات:
إرسال تعليق
شاركيني رايك ♥