مدونة حنين للجمال ♥ AroundFab: القناع المثالي لكل بشرة !

سلامٌ على من اتبع الهُدى

الي حرضني اكتب تدوينة منفصلة عن قناع واحد هو يوتيوبر

سوت فيديو تحط فيه مجموعة اقنعة بخصائص مختلفة على مناطق مختلفة من وجهها بنفس الوقت

بحيث كل قناع يخدم هالمنطقة تحديدا حسب حاجتها

في البداية فكرت .. فكرة مو بطالة

بعدين قلت لحظة

انا اعرف قناع واحد بس يسوي اكثر من غرض واحد و يناسب كل البشرات

مو بس كذا طبيعي و سهل و متوفر بكل مكان

تحمستوا ؟

انفع للتسويق ؟ :$

بسم الله نبدا

بالمناسبة بامكانك الحصول على جديد التدوينات بالضغط على زر "انضام لهذا الموقع "

القناع الي راح اتكلم عنه اليوم راح يسوي لك :

ترطيب للبشرة

توحيد للون البشرة

اعطاء نضارة

معالجة الحبوب ( تعرفي على اسباب الحبوب )

التخلص من التصبغات الجلدية الناتجة من الحبوب

زيادة على كذا انا احرص اني استخدمه قبل ما انظف بشرتي من الروؤس السوداء و الحبوب لانه يلين لي البشرة و يخليهم يطلعون بسهولة + و بعد لانه يهدئ البشرة

تقريبا هذا كل الي يسويه

~~~***~~~

المكون الرئيسي و الوحيد في هذا القناع هو

العسل

!

يب العسل .. و لحاله كمان

يعني بدون اي اضافات

من العلبة لبشرتك - طبعا و هي نظيفة -

~~***~~

كيف يستخدم ؟

القناع تحطينه على بشرته نظيفة لمدة ربع ساعة ، يوم بعد يوم او حتى يوميا
انا عن نفسي احطه بعد ما اصلي المغرب و اكمل شغلي و اذا ضايقني او اذن العشاء غسلته .. عندنا الفترة بين الاذانين تقريبا ساعة

يعني الزيادة فيه ما تضر ، لكن بنفس الوقت ما تسرع النتائج

اذا في ببشرتك اثار حبوب راح تلاحظين انها خفت خلال الشهر الاول ، هذا طبعا اذا حطيتيه يوم بعد يوم لمدة 15 د
هذا مع ملاحظة ان المسبب للحبوب ازلتيه ، اذا حابة تعرفين اسباب الحبوب شيكي هنا )

خلال الاسبوع الاول اذا مو اول مره راح تلاحظين ان بشرتك صارت اطرى و انعم ، ملمسها بصير يجنن
طبعا هذا في حالة انك تقشرين بشكل منتظم في الاسبوع ( مرتين الى مره )

و اكرموا كمان رقبتكم بهالقناع ، الرقبة وحده من اكثر الاشياء الي تفضح عمر الوحده و اهمالها بنفسها

~~***~~

خلال الفترة الي مدحت فيها العسل للبنات الكل قال لي

~~بس يكثر الشعر !~~

و احب اقول هالحكي كلش كلش كلش مو صحيح !

اطلاقا !

العسل ما يكثر الشعر

العسل لا يكثر الشعر

العسل ما ياثر على الشعر لا سلبا و لا ايجابا

احس بيجيني انهيار من كثر ما اقول هالحكي

و اتكلم من استخدامي له لمدة تزيد عن سنة و نص !

مدري من مطلع هالاشاعة ع العسل و هو من افضل ما يكون !

يعني اذا عندك حبوب يهديها و " يموتها" لك بدون ما يجفف البشرة !

يفتح اثار الحبوب بدون الاثار الجانبية مثل التقشير و البهتان و ردة الفعل العكسي الي ممكن تصير لك اذا اخذتي كورس ريتن A والا احماض الفواكة و الا غيرهم ... اكيد ياخذ وقت على بال ما تبين هالنتيجة بس مو احسن من هالدراما الي تصير بباقي المنتجات ؟
اكيد ماني ضد اي احد يستخدمها ، انا حاليا حاطه واحد تحت الاختبار .. لكن مو على وجهي !
و اكيد راح اكتب عنه

~~***~~

اي نوع عسل ؟

صراحة ما اخذ من اي شي غالي او شي ينقال له اصلي و مدري من وين جايبينه
^ حركات التسويق ما تمشي علي

بالنسبة لي انا استخدم انواع العسل الموجودة و المتوفرة بالسوبرماركت ..
استخدمت من شركة الشفاء ، و وادي النحل ..
ذولي الي اذكرهم
و ما اقول اني ذولي الشركات زينه و الباقي لا ، ذا الي انا شخصيا استخدمته

الي انصحكم فيه ان كلما كان لون العسل فاتح كلما كان افضل ك قناع للبشرة - و العكس صحيح للاكل - ، العسل الفاتح يسهل عليك ان توزعينه على بشرتك و تغسلينه منها على عكس الغامق
مبين اني ما اعرف اسماء العسل عشان كذا قاعدة احكي بالالوان *-*

عناية بالبشرة

~ توافيق

مدونة حنين للجمال ♥ AroundFab

الصفحات

القناع المثالي لكل بشرة !

عناية بالبشرة

هناك تعليقان (2):