السلام عليك و على كل من اتبع الهُدى
اقنعة طبيعية مُرطبة
تدوينة نختم فيها شهر اكتوبر
شخصيا اؤمن ب قوة الاقنعة اكثر من الكريمات - بالاصح غالبية الكريمات -
بالنسبة لي لو لاحظت ان بشرتي جافه ما افكر : اوه خليني احط عليها مرطب.
لا ، افكر خليني احط عليها قناع .. منزلي
اللي فيكم يتابعني على حساب انستا الجمال ( هنا )
يعرف ان غالبية الموجود ب وسم #جديد_في_عالم_الجمال هو اقنعة :p
لان فعليا اشوف ان الاقنعة قوة .. بالرغم من غالبية اللي بالسوق " سرقة فلوس " بس
على العموم .. التالي مفيد للكل حتى اصحاب البشرة الدهنية .. خصوصا اللي ما يبون وجيههم تدهن او يطلع لهم حبوب.
نبدا على بركة الله
اقنعة طبيعية مُرطبة : العسل
مو اول مره امدح العسل. دائما اشوفه ابطل شي خصوصا للي عندهم مشاكل في بشرتهم مثل
حبوب
تصبغات
جفاف
التهاب
سبق كتبت عنه هنا :
غالبية الايام ما استخدم الا هو
و اجمل ما فيه تقدرين تستخدمينه لحاله او تدمجينه مع شي اخر تفضلينه مثل : الكركم و سبق كتبت عنه هنا :
اقنعة طبيعية مُرطبة : قشر الموز
اول مره شفت احد يستخدمه كان امي - بعدها ما شفت احد يستخدمه غيري -
.. و في البداية استنكرت عليها " شلون ما تخافين يضر بشرتك !! "
وقتها كنت باول متوسط و اخاف احط اي شي على بشرتي .. الحين اكثر مجازفه انا.
امي ردت علي شي مثل " طبيعي اكيد ما راح يضر بشرتي "
هذه مو قاعده صالحه ثابته على كل منتج طبيعي ، لان حتى الطبيعي ممكن يكون مضر.
عموما قشر الموز لما يكون لونه اصفر صافي يكون افضل و تكون كمية المادة اكثر
طبعا اقصد قشر الموز من الداخل .. مو اللي برا
و كلما غمق لون قشر الموز كلما قلت المادة الفعالة .. اساسا تلاحظون ان القشر يصير طري اكثر
برايي تاثير ك مرطب افضل من العسل و من كل المنتجات الموجوده في هذه التدوينة و حتى غالبية المنتجات اللي جربتها من السوق
كيف تستخدمين قشر الموز ك قناع ؟
سهل جدا ، بعد ما تستهلك الثمره ، خوذي القشر
و افركي الجزء الداخلي على بشرتك - تاكدي انها نظيفه -
اذا فركتيه ب تشوفين المادة الداخليه قلت
انا عاده ما استخدم اكثر من قطعة وحده من الموز اذا كان اصفر
* تعرفون الموزه الوحده لما تشيلون الموز عنها يطلع معك القشر من 3 الى 4 قطع متصلة بالنهاية *
و اتركيه عليها 15 د او اكثر
شخصيا لما استخدمه ما احسب الوقت ، احطه و متى ما بغيت غسلته.
اقنعة طبيعية مُرطبة : الافوكادو
حلو على البشرة
نادرا ما استخدمه لاني افضل ان جسمي يستفيد منه من الداخل -- اكل!
الافوكادو فاكهه فيها دهون صحيه ، و اذا تعودين نفسك عليها تدمنين عليها و تفيد بشرتك و شعرك و جسمك !
طريقة استخدام قناع الافوكادو
اول شي ما راح تحتاجين كل الفاكهه
ربعها يكفي بشرتك .. و الربع بالغالب كثير - اكيد يعتمد على الحجم اللي عندك -
هنا طريقة ل كيف تقصين الافوكادو
خوذي كمية قليلة ، اذا احتجتي بعدين تقدرين تزيدين
و اهرسي الكمية اللي عندك
تقدرين تحطينه لحاله على بشرتك مثل ماهو او تضيفين عليه :
حليب
عسل
زبادي
كركم
او اي مكون ثاني حابه بشرتك تستفيد منه
اقنعة طبيعية مُرطبة : الزبادي
صراحه الزبادي هو الاقل تفضيلاً بالنسبة لي من بين كل هذه الاقنعة
بالرغم من نتيجة ما تختلف كثير عن باقي المنتجات
لكن بالنسبة لي يترك ريحه على بشرتي ما اطيقها و لا اتحملها
هذا غير انه دائما يجي على شعري و يزيد الريحة سوء
و كانه ما يكفي في احتمالية ان بشرتي تمتصه و بالتالي يدخل جسمي و كون عندي حساسية من اللاكتوز ف هذه مجازفة ما عندي استعداد اني اخذها.
عموما هو الافضل للبشرة الملتهبه ، سواء خبصتي ببشرتك او احد خبص
طبعا اذا كان الوضع سيء ما يغني عن الروحه للدكتور ، لكن على الاقل يخفف وطئه الالم عليك و يبرد على بشرتك
طريقة استخدام قناع الزبادي
خوذي الكمية اللي تحتاجينها
بالغالب 2- 3 ملاعق كبيره
و وزعيه على بشرتك بالتساوي
اتركيه ربع ساعه بعدها اغسليه
تقدرين تدمجينه مع مكونات ثانيه مثل :
العسل
الكركم
الافوكادو
او اي منتج ثاني تبين بشرتك تستفيد منه
عناية بالبشرة
__________
_________
_____
___
____
____
_____
____
_____
______
____
____
____
____
_____
_______
______
_____
______
_____
_________
____
____
____________
_____
_____
______
_____
____
________
______
____
_____
______
____
_____
______
____
_____
______
______
_____
_____
_____
______
______
____
_______
_______
_____
_____
______
_____
___________
______
________
_؛_______
____
_____
_____
.
.
.
تعرفين اشياء بطله ثانية لترطيب البشرة طبيعيه ؟ خبريني عنها
و اذا جربتي هذه الاقنعه لاول مره خبريني عن تجربتك
ماسك السدر اعجز اوصفلك يطهر ويصفي بشرتي دهنيه مااعرف باقي اليشرات تدوينه جميله وخفيفه
ردحذفاذا تشاركينا طريقة تحضيره عبير نكون ممتنين لك
حذفيومك مبارك